Merkezê Îrtîbatî û Çapemenîye yê HPGyî nasnameyê gerîlayanê ke 2017 de Besta de şehîd bîyî eşkera kerdî. Eşkerayîye wina ya:

''Teşrîna peyêne ya 2017î de artêşa tirke ya îşxalkere vera herêma Besta ya warê Botanî operasyonêko hîra dabi destpêkerdene. Nê operasyonî bi rojan dewam kerd û gerîlayanê azadîye yê Kurdîstanî bi çêrkî vera dişmenî şerd kerd, derbê pîlî dayî dişmenî ro. Nê operasyonî de menga teşrîna peyêne de 8 embazê ma rojanê cîya-cîyayan de Besta de  şehîd bîyî. Nasnameyê embazanê ma yê şehîdan wina yo:

Nameyê Qodî: Hêjar Pîroz Name û Peyname: Mazlum Yaşa Cayê Bîyayîşî: Amed Maye-Pî: Melîha – Memet Tarîx û Cayê Şehadetî: Teşrîna Peyêne ya 2017/ Besta

Nameyê Qodî: Kahraman Koçer Name û Peyname: Mehmet Haki Ozer Cayê Bîyayîşî: Sêrt Maye-Pî: Mircan – Alî Tarîx û Cayê Şehadetî: Teşrîna Peyêne ya 2017/ Besta

Nameyê Qodî: Rizgar Cigerxwîn Name û Peyname: Umran Gunduz Cayê Bîyayîşî: Şirnex Maye-Pî: Rukiye – Vahap Tarîx û Cayê Şehadetî: Teşrîna Peyêne ya 2017/ Besta

Nameyê Qodî: Rizgar Başkale Name û Peyname: Yucel Ozdemir Cayê Bîyayîşî: Van Maye-Pî: Zaytune – Hamdî Tarîx û Cayê Şehadetî: Teşrîna Peyêne ya 2017/ Besta

Nameyê Qodî: Reşît Heştanî Name û Peyname: Nurettin Zeybek Cayê Bîyayîşî: Şirnex Maye-Pî: Halime – Selim Tarîx û Cayê Şehadetî: Teşrîna Peyêne ya 2017/ Besta

Nameyê Qodî: Mervan Amed Name û Peyname: Tarik Akyar Cayê Bîyayîşî: Amed Maye-Pî: Kadriye – Kudbettin Tarîx û Cayê Şehadetî: Teşrîna Peyêne ya 2017/ Besta

Nameyê Qodî: Şoreşger Besta Name û Peyname: Yasin Îdîn Cayê Bîyayîşî: Şirnex Maye-Pî: Şukriye – Salih Tarîx û Cayê Şehadetî: Teşrîna Peyêne ya 2017/ Besta

Nameyê Qodî: Haki Gap Name û Peyname: Osman Alas Maye-Pî: Remziye – Ramazan Tarîx û Cayê Şehadetî: Teşrîna Peyêne ya 2017/ Besta

Embazê ma Hêjar Pîroz Amed de dadîya xo ra bîyo û vera zulmê dewlete 2015 de tewrê gerîlayan bi. Embaz Hêjarî Besta de perwerde dî û gerîlatîya xo aver berde. Embaz Hêjar hema ke gerîlayêko newe bi Operasyonê Şorişgêrî yê Beytuşşebabî de ca girewt û wextê xoverdayîşê xoîdarekerdişî yê Şirnexî de nefes nêda dişmenî. Embaz Hêjar xeylêk çalakîyan de vernî de ca girewt, Besta de derbê pîlî dayî dişmenî ro û bi nê hawayî şehîd bi.

Embazê ma Kahraman Koçer keyeyêkê koçerî de dadîya xo ra bîyo û 2014 de xeyalê xo ard ca; tewrê gerîlayan bi. Embaz Kahraman hema ciwanîya xo de krîterê PKKyî kesayetê xo de mojnayî û bi wayîrê heskerdişê embazanê xo. Embaz Vakurê Kurdîstanî de perwerde girewt û dima Botan de wezîfe kerd. Embaz Kahramanî operasyonê Besta de derbê pîlî dayî dişmenî ro û wexto ke embazanê xo rê ardim kerdêne bi şehîd. Embazî û perwerîya ci hertim ma rê do biba mîsalêk.

Embaz Hakî Gap vera polîtîkaya qirkerdişî ya dewleta tirke serra 2014î de Mêrdîn de tewrê gerîlayan bi û dima ke Mêrdîn de bi wayîrê pratîkan derbazê Botanî bi. Embaz Hakî her cayê wezîfeyî de embazanê xo rê adapte bi û seke bi serran o uca de yo zerrî ra tewrê xebatanbi. Embaz Hakîyî destanê Besta de ca girewt û şerê vera dişmenî de bi şehîd.

Embazê ma Mervan Amed qezaya Hêni ya Amedî de dadîya xo ra bîyo û 2014 de pê îdeolojîya Rayber Apoyî tewrê gerîlayan bi. Embaz Mervanî Heftanîn de pratîkê gerîlayan girewt û perwerdeyê xurtî ra dima bi fermandarê gerîlayan. Embaz Mervan 2016 de Vakurê Kurdîstanî de tewrê xoverdayîşê xoîdarekerdişî bi û bi milîtano serkewte yê Rayber Apoyî. Embaz Mervanî heta ke şehîd bi tewirê milîtanîya Apogîre ra qet tawîz nêda û bi nê hawayî bi şehîd.

Embaz Reşît Heştanî dewa Heştanî ya Şirnexî de dadîya xo ra bîyo û pê waştişê bîyayîşê çêrêkî 2014 de warê Kato Jîrka de tewrê gerîlayan bi. Embaz Reşît Kato Jîrka de perwerde dî û 2015 de şeranê giranan de wezîfe kerd. Dima embaz Reşît herêma Besta de gerîlatîye kerd û pê tewirê milîtanîya Apogîre bi fermandarêko xoverdayox. Embaz Reşîtî heta şehadetê xo tewirê xo ra qet tawîz nêda û pê şehadetê xo destanê çêrîye nuştî.

Embazê ma Rizgar Cigêrxwîn qezaya Hezexî ya Şirnexî de dadîya xo ra bîyo û hema ke ciwan bi tewrê gerîlayan bîyo. Embaz Rizgarî wextê hêrişanê DAÎŞî de Şingal de şer kerd û serkewtişî ra dima newe ra verê xo da Botanî. Embaz Rizgarî Botan de xeylêk çalakîyan de derbê pîlî dayî dişmenî ro û rayberîya çalakîya Derîya Bêroje ya 2017î kerde. Na çalakîye de embaz Rizgar bi wayîrê tecrubeyêkê pîlî û ey performansêko bêhempa mojna. Embaz Rizgarî nameyê xo tarîxî ser o nuşt û pê şehadetê xo bi çêranê Botanî ra yew.

Embaz Rizgar Başkale qezaya Elbakî ya Wanî de dadîya xo ra bîyo û serra 2013î de xo resna koyanê azadan ê Kurdîstanî.  Embaz Rizgar Başkaleyî vera zulmê DAÎŞî Şingal de şer kerd, şarê ma yê êzidîyî pawit û bi milîtanêko çêr ê Rayber Apoyî. Embaz Rizgarî Şingalî ra dima newe ra rîyê xo da Botan û çalakîyan de cayê xo girewt. Embaz Rizgar 2017 de bi hawayêkê aktîfî tewrê pratîkê şerî bi û Besta de şerê çêran ra dima şehîd bi.

Embaz Şoreşger Besta Şirnex de dadîya xo ra bîyo û pê tesîrê Şorişê Kobanê tewrê gerîlayan bi. Embaz Şoreşgerî wextêkê kilmî de Besta, Kato, Beytuşşebab, Şirnex de xeylêk çalakîyan de ca girewt û bi wayîrê pratîkan. Embaz Şoreşgerî herêma Besta de derbê pîlî dayî dişmenî ro ke ey waştêne îşxalkeran bi giranî ceza bikero. Dînamîzm û pratîkê embaz Şoreşgerî tim ma rê bibê rehber û mîsal.

Ma nê embazanê xo yê çêranê ke Besta de destanî nuştê û mojna ke warê Botanî îşxalkeran rê rayîr nêdano bi rêzdarî yad kenê. Ma soz danê ke ma do xeta şehîdan teqîb bikerê, perwerê xeyalanê şehîdan bibê û seba caardişê armancanê şehîdan destê ma ra çi bêro bikerê.

Nê esasî ser o sere de keyeyanê ercîyayeyan ê şehîdanê ma rê, ma pêro şarê welatperwerî yê Kurdîstanî rê serweşîye wazenê.''