Merkezê Îrtîbatî û Çapemenîye yê HPGyî derheqê 2 gerîllayanê Roboskîyijan de beyanetêko nuştekî da. 

HPGyî beyanatê xo de wina va: “Têgêrayîşê Azadîya Kurdan, bi mucadeleyê milîtananê xo yê qehremanan ê bêemsalan û bi erjeyanê înan ê hêcayan, nika azadîya şarê xo rê hîna bîyo nêzdî. Dewleta Tirkî ya kolonyalîste,  nê serkewtişî ver hêrişanê xo domnena û nêwazena bi nameyê Kurdatîye de çîyêk biverdo. Kurdî zî nê hêrişan ver mucadeleyêko tarîxî domnenê û xoverdayîşanê xo kenê pêt. Ciwanê Kurdî zî vera hêrişanê Tirkîya bêveng nêmanenê û bêşdarê Têgêrayîşê Azadîya Kurdî benê. Her di hevalê ma yê ke mensûbê keyayanê welatperwerî yê zî seba ke hesabê qetlkaran bivînê beşdarê gerîla bîyê. Nê di embazî yê ke bi ked, fedakarî û bi hêrs vera dişmenî de mucadeleyê xo domnayo tena hevalê mucadeleyî nê, eynî wext de eqrebayê yewbînan ê. “

HEVALA ZÎLANE TIM XÊZA CINÎYA AZADE ESAS GIREWTE

Beyanatê HPGyî de nê xususan ca girewt: “Hevala Zîlane bi şenikîya xo zorîye de ameya têrî û vera ney zorîyan de  mucadeleyê xo kerdo pêt. Tecrubeyo ke derûdorê  xo yê  welatperwerîye ra girewto, unîversîte de açarnayo bi îdeolojî û  fam kerdo ke mîrasê şehîdan rê  ancax warê înan de bi mucadelekerdişî yeno wayîrvejîyayene û beşdarê gerîlayî bîya. Hevala Zîlane tim felsefeya Rayber Apoyî ya Cuya Azade xo rê esas girewta û mucadeleyê xo goreyê nê esasan domnaya. Hevala Zîlane Warê Pawitişî yê Medya de wezîfeyê muhîmî kerdê û Maxmûr- Kerkûk de zî vera çeteyanê faşîstan ê DAÎŞî kewta şer. La aye waştêne ke, cayo ke tede ameya dinya, yanê Botan de dişmenanê xo ra hesab biperso. No sebeb ra verê xo açarnêna û şona warê Adîla, Nûda û Gulbaharan Botan. Tîya de bi heyecanêko berz mucadeleyê xo yê vera dişmenî dana. 1ê Temmuze ya 2017î de netîceyê nêweşîye de tewrê kewrwena şehîdan bena.

HARÛN ROBOSKÎ

Hevalo Harûn zî sivikîya xo de kewt binê têsîrê mucadeleya gerîlayan û bi hîkayeyanê destanî yê gerîlayanê Botanî  Rayber Apo û PKKyî şinasnayê. Heval Harûn zî herême de hêriş û qetlîamanê dişmenî rê şahadîye keno û bi felsefeya Rayber Apoyî, wazeno ke rêça xalika xo Velîde Encu (zîlano) teqîb bikero û  beşdarê gerîlla beno. Demêko kilm de bi zîrekîya xo mabenê embazan de cayêko baş gêno. Heval Harûn 10ê Tebaxe 2018 de, hêrişanê dişmenî yê Warê Pawitişî yê Medya de şehîd beno û tewrê kerwanê şehîdan.

Hevalê ma yê Roboskîyijî, Zîlan û Harûn, vera dişmenî qetîya vileyê xo nêkerdo çewt û bi kulturê xoverdayoxîye yê şarê Roboskîyî her tim bi welatperwerîye hereket kerdo û bi felsefeya Rayber Apoyî xo newe ra afirnayo. Ma înan bi hurmet yad kenîme û serî de keyeyê Encuyî rê, pêroyê şarê xo rê serweşîye wazenîme. Ma soz danîme şehîdanê xo û vanîme: ma do xeyalê înan ê  Rayberê Azad û Kurdîstanê azadî bîyarê ca û bayraqa serkewtişî bidê hewanayêne.“

Nasnameyê gerîlayê ke şehîd kewtî wina yê: