Merkezê îrtîbatî û Çapemenîye yê HPGyî derheqê grûba înana ke tira xebere nîna girewene de reyna eşkerayîye daye û nê vatî:

''Ma verî zî dabi eşnawitene ke tekîlîya ma bi  grûbêka ma ya ke nêzdîya dewa Bêxme ya qezaya Xelîfanî ya Başûrê Kurdîstanî de bî birîyaye. Ma vatbi ke derheqê qewimîyayîşî de ma PDKyî ra eşkerayîye pawenê.  

Grûba ma ya ke tekîlîya ma bi ci birîyaye, grûba embazê ma Serwer Serhatî ya ke Fermandarîya Eyaletê Xakurkê de wezîfe rayra beno. Embaz Serwer pîya bi embazan Dijwar Berxwedan û Wargeş Çavreşî pêro pîya hîrê kesî sey grûbêke erazî de kewtî rayîr. Embaz Serwer fermandarêko bitecrube yo ke Vakûrê Kurdîstanî de merheleyanê xoverdayîşî yê muhîman ra ravêrto. Sey fermandarê Eyaletî şîyênî cayê wezîfeyê xo yê neweyî. Ma tesbît kerd ke rayîrê Behdînan de nêzdîya dewa Bêxme yê Xelîfanî de raştê hêrişî ameyo û la netîceya serebûtî ma safî nêkerde.

Derheqê aqibetê nê embazanê ma de PDKyî hema zanayîş nêdayo ma.  Ma reyna rayrapêroyîye dir pare kenê ke ma PDKyî ra eşkerayîye pawenê.''