Merkezê Çapemenî û Îrtîbatî yê HPG’yî bi eşkerayîyêka nuştekîye hayîdarîyê nasnameyanê gerîlayanê ke Dêrsim de şehîd bîyî eşkera kerdî.

Eşkerayîye de ca dîya nînan: ‘’Ma eşkerayîya xo ya 4’ Tebaxe de dabi eşnawitene ke  23’ê Hezîrane de 4 embazê ma pêkewtişê operasyonê nêzdîyê dewa Zamekî ya Dêrsimî de şehîd bîyî. Pêkewtişan de embazê ma Hakî (Cîhan Çelebî) yo ke Fermandarîya Eyaletî de ca gêno û embazê ma Adnan ( Mahmût Alinbay) Rizgar (Abdulkerîm Arvas) û Sîdar (Mazlûm Atar) ê ke komûtayê ci de bî bi şerkerdişêkê qehremenkîyî  tewrê kerwanê şehîdan bîyî. Nasnameyê embazanê ma yê ke pêkewtişan de derbeyê giranî dayî dişmenî ro û şehîd bîyî wina yê:

Nameyê Qodî: Hakî Pîr Name Peyname: Cîhan Çelebî Cayê Bîyayîşî: Dêrsim Maye - Pî: Desîme - Mûstafa Tarîx û Cayê Şehadetî: 23’ê Hezîrene 2019 / Dêrsim

Nameyê Qodî: Adnan Pîro Name Peyname: Mahmût Alinbay Cayê Bîyayîşî: Amed Maye - Pî: Şevgule - Ahmet Tarîx û Cayê Şehadetî: 23’ê Hezîrene 2019 / Dêrsim

Nameyê Qodî: Sîdar Dêrsim Name Peyname: Mazlûm Atar Cayê Bîyayîşî: Dêrsim Maye - Pî: Emîne - Tahsîn Tarîx û Cayê Şehadetî: 23’ê Hezîrene 2019 / Dêrsim

Hemra Hakî Fermandarêko Rayber û Nimûne Bi

Hemrayê ma Hakî Pîro ke 1978 de Dêrsim de ameyo dinya bi kulturê xorî yê Dêrsimî yê Kurdî bîyo pîl. Sey heme qicanê Kurdîstanî ê zî qijtîya xo de raştîya dişmenî nas kerde û Serra 2004 de verê xo da koyanê Kurdistanî. Hemra Hakîyo ke demo kilm de hetê leşkerî ra xo resna wezîfeyê rêxistine girewtî xo ser, heme bi serkewtiş ardî ca û bi fermandarêko rayber û nimûne. Reyna embazê Adnan, Rizgar û Sîdar zî  vera hêrişanê dewlete tewrê sefanê gerîlayî bîyî  û heta nefesê xo yê peyênî bi tewirêkê fedayî mucadele kerd û planê dişmenî pûç vetî. Ma vanê wa sere de sereyê keyeyanê embazanê ma yê ke resayê şehadet, sereyê heme şarê ma yê welatperwerî weş bo û ma soz danê heta ma waştişanê şehîdanê xo bica bîyarê ma do mucadeleyê xo bidomnê.”