Merkezê Îrtîbatî û Çapemenîye yê HPGyî pê eşkerayîyêke nasnameyê şehîdan eşkera kerdî. 

Eşkerayîye wina ya:

''20ê adara 2019î de embazê ma Savaş Maraş, Munzur Serya, Savaş Têkoşîn û Tirêj Nûjin seba wezîfeyêkî şîbî herêma Heftanînî û netîceya bombardumanêkî de şehîd bîyî. Nasnameyê embazanê ma yê şehîdan wina yê:

Nameyê Qodî: Savaş Maraş Name û Peyname: Mehmet Soysuren Cayê Bîyayîşî: Elbîstan Maye-Pî: Hanime – Seyho Tarîx û Cayê Şehadetî: 20ê Adara 2019î /Heftanîn

Nameyê Qodî: Munzur Zerya Name û Peyname: Huseyîn Nas Cayê Bîyayîşî: Sêrt Maye-Pî: Meryeme – Kasim Tarîx û Cayê Şehadetî: 20ê Adara 2019î /Heftanîn

Nameyê Qodî: Savaş Têkoşîn Gabar Name û Peyname: Abdullah Asus Cayê Bîyayîşî: Sêrt Maye-Pî: Hazale – Kasim Tarîx û Cayê Şehadetî: 20ê Adara 2019î /Heftanîn

Nameyê Qodî: Tirêj Nûjin Name û Peyname: Mustafa Altunterun Cayê Bîyayîşî: Amed Maye-Pî: Fatma – Mehmet Tahir Tarîx û Cayê Şehadetî: 20ê Adara 2019î /Heftanîn

Savaş Maraş

Embazê ma Savaş Maraş 1977 de qezaya Elbîstanî ya Gumgumî de dadîya xo ra bi û pê kulturê xoverdayîşî yê elewîtîye bi pîl. Embaz Savaş hema domanîya xo de bire daye ke bibo şorişgêr û peynîya cigêrayîşan de Rayber Apo şinasna. Embaz Savaş 1997 de tewrê PKKyî bi. Embaz Savaş cuya xo ya gerîlatîye de qet felsefe û îdeolojîya Apogîrîye ra tawîz nêda û bi xeta milîtanîye ya PKKyî. Ey rêxistinî, têkoşînê PKKyî rê rayberîye kerde û o bi fermandaranê mîsalan ê PKKyî ra yew. Embaz Savaşî rêxistinîya 'Hêzan ê Taybetan' de ca girewt û pê ked û sebrê xo astêka berze afernaye, gerîlatîya dewrê neweyî aver berde û embazî nê esasî ser o perwerde kerdî. Ma ewro sey Gerîlayanê Azadîye yê Kurdîstanî xeylêk serkewtişan ra semed deyndarê embaz Savaşî yê. O pê fedakarî û zerrînizmîya xo mîsalêk bi. Ma heta ke qesasê Fermandar Savaşî nêgêrê do nefesêk nêgêrê. Wezîfeyê ma yo tewr pîl o ke ma do qesasê ey bigêrê, armancanê ci bîyarê ca.

Munzur Zerya

Embaz Munzur eşîra Dîdêrî de Botan de dadîya xo ra bi û 1992 de tewrê partîya ma bi. O pê vîrameyîşanê waka xo ya şehîde Bêrîvane Garzan bi pîl û hema domanîya xo de raştîya dişmenî dîye. Embaz Munzur pê mesuldarîyêka tarîxî ya ciwananê kurdan 2014 de tewrê têkoşînê ma ni. O ca de cuya koyan, milîtanîya Apogîrîye musa û ey nê têkoşînî de rolê fedayîtî û rayberîye ard ca. O zerrîya pêro embazanê xo de sey awa Munzurî bi wayîrê cayêkî. Ey qet tewrbîyayîşê normalî qebul nêkerd û xeta Zîlane ser o şi.

Savaş Têkoşîn

Embaz Savaş Têkoşîn eşîra Dîdêrî de dadîya xo ra bi û raştîya dişmenî hema ke doman bi şinasnaye. Embaz Savaş hema ke ciwan bi xeyalê xo ard ca û tewrê gerîlayan bi, resa koyanê azadan. O cade adapteyê cuya gerîlayan bi û xo îdeolojîya Apoyî ser o perwerde kerd. Embaz Savaş tim waştêne ke şoro Gabar. O pê perwerîya xo ya şehîdan, tewirê xo yê fedakarî, hesreta pîle bi milîtanêko fedayî yê gerîlayan. Embaz Savaşî heta ke şehîd bi pêro mîsyonê gerîlayê fedayî ardî ca.

Tirêj Nûjin

Embazê ma Tirêj Nûjin Amed de Farqîn de dadîya xo ra bi û dima ke keyeyê ci koçê metropolanê Tirkîya kerd kewt peyê cigêrayîşan. Nê cigêrayîşî ser o ey reyna xo resna kokê xo yê welatî û verê xo da koyanê azadan ê Kurdîstanî. Embaz Tirêjî Heftanîn, Şingal, Zap û Heftanîn de têkoşîn kerd, mîsyonê fedayîtîye ard ca. Embaz Tirêj fermandaro efsanewî yê xoverdayîşê Sûrî xo rê kerd mîsal û seba ke bibo gerîlayêko profesyonel kedêka pîle daye.Embaz Tirêj heta nefesê xo yê peyênî fedayîtîta Apogîre temsîl kerde û bi nê hawayî şehîd bi.

Sere de keyeyanê ercîyayan ê şehîdanê ma ra, ma pêro şarê welatperwerî yê Kurdîstanî rê serweşîye wazenê. Ma soz danê ke têkoşînê embazanê xo yê şehîdan û fedakaran pê ruhê Newroze bikirişê serfîrazî.''