Merkezê Îrtîbatî û Çapemenîye yê HPGyî nasnameyê şehîdanê Heftanînî eşkera kerdî.

Eşkerayîya HPGyî wina ya:
''11ê tebaxa 2020î de ma dabi eşnawitene ke 9ê tebaxe de artêşa TCyî ya îşxalkere hêrişê warê Pîrbûla yê Heftanîn kerd. Nê hêrişê bombayan de embazê ma Ferman û Mazlûm şehîd bîyî. Zanayîşê derheqê embazanê ma de wina yê:

Nameyê Qodî: Ferman Memyan Name û Peyname: Semih Kaplan Cayê Bîyayîşî: Amed Maye-Pî: Zarife – Mehmet Tarîx û Cayê Şehadetî:9ê Tebaxa 2020î/ Heftanîn

Nameyê Qodî: Mazlum Cudi Name û Peyname: Milad Kobadi Cayê Bîyayîşî: Kamyaran Maye-Pî: Saxibe – Muhammed Tarîx û Cayê Şehadetî:9ê Tebaxa 2020î/ Heftanîn

Embazê ma Ferman û Mazlûm cayanê cîyayan ê Kurdîstanî de dadîyanê xo ra bîyê û seba ke îşxalê dewleta tirke biqednê tewrê têkoşînî bîyî. Embazanê ma xeylêk waranê têkoşînî de ca girewt û tewr peyên zî warê Pîrbûla de xoverdayîşêko tarîxî kerd, derbê giranî dayî dişmenî ro û tewrê karwanê bêmergan bîyî. Xoverdayîşê embaz Mazlûm û Fermanî îradeyê milîtanîya Rayber Apoyî reyna eşkera kerd.

9ê tebaxa 2020î û 11ê tebaxa 2020î de ma dabi eşnawitene ke 8 û 9ê tebaxe de warê Pîrbûla yê Heftanînî de netîceya şerêkê giranî de embazê ma Warşîne û Sorxwîne şehîd bîyê. Zanayîşê derheqê nasnameyanê embazanê ma yê şehîdan de wina yê:

Nameyê Qodî: Warşîne Avaşîn Name û Peyname: Gulşene Yolur Cayê Bîyayîşî: Amed Maye-Pî: Haliye – Mahmut Tarîx û Cayê Şehadetî: 8ê Tebaxa 2020î/ Heftanîn

Nameyê Qodî: Sorxwin Amed Name û Peyname: Culyana Xelo Cayê Bîyayîşî: Efrîn Maye-Pî: Roşine – Muhammed Tarîx û Cayê Şehadetî:9ê Tebaxa 2020î/ Heftanîn

Embaze ma Warşîne Amed de dadîya xo ra bîya û seba ke xeyalanê şarê xo bîyara ca tewra gerîlayan bîye. Embaze Warşîne tim bîye milîtanêka raybere û pêro wezîfeyê xo bi temamî û serkewtişî ardî ca. Embaza ma Soxwîne zî Efrîn de dadîya xo ra bîya û bi hawayêkê aktîfî Şorişê Rojawanî de ca girewt. Embaze Sorxwîne serra 2013î de tewra gerîlayan bîye. Rixmê ciwanîya xo tim tewr vernî de ca girewt û bi embazî, zerrînizmîya xo hetê embazanê xo ra ameye heskerdene. Embaze Sorxwîne bi kesayetê xo yê milîtanîya Apoyî pêro wezîfeyê xo bi serkewtişî ardî ca.

Sere de keyeyanê ercîyayeyan ê embazanê ma yê şehîdan rê ma pêro şarê Kurdîstanî yê welatperwerî rê serweşîye wazenê. Ma soz danê ke do vîrameyîşê înan têkoşînê xo reyde bidê ciwîyayene û têkoşînê xo pê serkewtişî tacîdar bikerê.''