HPG: Ma şehîdanê Mêrdînî bihurmet yad kenê
HPG’yî 3 gerîlayê ke Mêrdîn de şehîd bîyî yad kerdî û sozê caardişê waştişanê şehîdan newe kerd.
HPG’yî 3 gerîlayê ke Mêrdîn de şehîd bîyî yad kerdî û sozê caardişê waştişanê şehîdan newe kerd.
Merkezê Îrtîbatî û Çapemenîye yê HPG’yî hayîdarîyê nasnameyanê 3 gerîlayanê ke Mêrdîn de şehîd bîyî eşkera kerdî.
Eşkerayîye de nê ameyî vatene:
''Ma eşkerayîya xo ya 13’ê Êlule de dabi zanayene ke 7’ê Êlule de hêzanê ma vera operasyonê artêşa Tirkî yê herêma Omeryanî yê Mêrdînî de çalakîyek viraşte Mudirê Şûbeyê POH’î zî tede 10 leşkerê Tirkî ameyî kiştene. Nê operasyon de 3 embazê ma yê ke bi şerkerdişêkê qehremankî derbeyî dayî dişmenî ro şehîd bîyî. Embazê ma Agît, Besê û Karker ê ke şehîd bîyî hayîdarîyê hîra yê nasnameyê înan wina yê.
Nameyê Qodî: Agît Asê Name Peyname: Muslum Gunduzalp Cayê Bîyayîşî: Riha Maye-Pî: Alîye-Mehmet Alî Tarîx û Cayê Şehadetî: 8'ê Êlule 2019 / Mêrdîn |
Nameyê Qodî: : Besê Anûşe Name Peyname: Luftîye Acere Cayê Bîyayîşî: Mêrdîn Maye-Pî: Zubeyde-Alî Tarîx û Cayê Şehadetî: 8'ê Êlule 2019 / Mêrdîn
|
Nameyê Qodî: Karker Masîro Name Peyname: Halîl Erdem Cayê Bîyayîşî: Mêrdîn Maye-Pî: Turkane-Suleyman Tarîx û Cayê Şehadetî: 8'ê Êlule 2019 / Mêrdîn
|
Agît- Besê- Karker
Hemra Agît Asê serra 1985 de Pirsûsê Riha de ameyo dinya û hema domanîya xo de tesîrê şehîdanê Kurdistanî de maneno û bi raştîya şehîdan pîl beno. Embaz Agît serra 2008 de verê xo dano koyanê Kurdistanî û xîyalanê xo yê domanîye ano ca. Roja ke tewrê partîye bîyo ra nata xo bi îdeolojîya Rayberîye xurt kerdo û bi cewherê xasî, durustî mîyanê embazenê xo de bîyo nimûne.
Embaze Besê Anûşa ke 1990 de Mêrdîn de ameya dinya Amed de keyeyêko welatperwer de bîya pîle û serra 2012 de bi cigêrayîşê heqîqet û cuya azade tewrê sefanê PKK’yî bîya. Embaze Besê ya ke her tim perwerde esas girwtêne bi eşqî xeta Rayber Apîyî de xo resna. Şexsîyetê aye yo kedkar û fedakar bibi sebeb ke a tim mîyanê pratîkî de ca bigêre. Besê ya ke cuye de her hel tewr vernî de cayê xo girewtêne, nê semedî ra verê xo da Mêrdînî ke şero xorî de cayê xo bîgêro.
Embaz Karker Mesîro serra 1987 de Mêrdîn de ameyo dinya. Hemra Karkero ke raştîya dişmenî rewî ra ferq keno û xeylî xebatanê ciwanîye de aktîf ca gêno û bado zî 2015 de tewrê gerîlayê azadîye beno. Embaz Karkero ke bi kesîya xo ya fedakar û duruste yeno naskerdene xeylî wareyanê gerîlayî de aktîf xebitya û heme wezîfeyê xo bi serkewtişî ardî ca û heta şehadetê xo semedê şarê xo mucadele kerd.
Ma sere de keyeyê embazanê xo Agît, Bese û Karkerî, heme şarê Kurdistanî yê welatperwerî rê serweşîye wazenê û ma soz danê ke ma do erjê ke embazanê ma bi keda xo vetê werte rê wayîr bivejîyê, mîrasê mucadeyî yo ke embazanê ma, ma rê verdayo bi serkewtişî tacîdar bikerê.”