Merkezê Îrtîbat û Çapemenîye yê  HPG’yî eşkerayîyêka nuştekîye daye û derheqê çalakîyanê gerîlayan û hêrişanê artêşa Tirkî de nê pare kerdî:

" 21'ê Êlule de artêşa Tirkî ya îşxalkare mintiqaya Xirbê Mişka ya herêma Bagokî ya Merdînî de dest bi operasyonêk kerd. Heman roje hêzanê ma YJA-Starî çarçeweya Hemleya Qesasî ya Şehîde Medya Mawa û Şehîd Rizgar Geverî de çalakîya sabotajî viraşte. Na çalakîye de di endamê îstîxbaratê ke seba ke têgêrayîşê gerîlayan seyr bikê erazî de kamerayî ca kerdêne, ameyî kiştene û di leşkerî zî birîndar bîyî.

13’ê Êlule de artêşa Tirkî ya îşxalkare wareyê Arpetî yê qezaya Westanî ya Wanî de dest bi operasyonêk kerd.  Nê operasyonî de 5 embazê ma şehîd bîyî. Derheqê detayanê operasyonî û hayîdarîyanê nasnameyanê embazanê ma yê şehîdan de do pey ra zanayîş bêro dayene.‘‘

Eşkerayîye de derheqê hêrişanê hewayî yê dewleta Tirkî yê verba mintiqayanê gerîlayan de zî nê ameyî vatene: "Roja 24'ê Êlule de teyarayanê artêşa Tirkî ya îşxalkare Wareyê Pawitişî yê Medya ra mintiqaya Werxele ya herêma Avaşînî bombardûman kerde. Nê bombardûmanan de vînîbîyayîşê ma çîn ê."