Merkezê Îrtîbatî û Çapemenîye yê HPGyî bi eşkerayîyêke derheqê Operasyonê Şorişgêrî yê Girê Amedîyê de agahîyî dayî. Eşkerayîye wina ya:

''Gerîlayê azadîye yê Kurdîstanî bi ruhê fedayî yê Apogîrî, cesaretê pîlî û îradeyê xurtî operasyonanê şorişgêran kenê. 22yê kanûne de Xakurkê de Operasyono Şorişgêr ê Şehîd Ahmet Rûbat û 23yê kanûne de Operasyonê Şorişgêrî yê Kurojahro û Girê Amedîyê ameyî kerdene û gerîlayan nînan de derbê giranî dayî artêşa tirke ro. Artêşa îşxalkere derbê giranî werdî û xeylêk kişteyî dayî. Rixmo ke hêzanê ma heta nika kişteyê artêşa tirke bi belge û agahîyan eşkera kerdê artêşa tirke û medyaya ci ya şerê taybetî kişteyanê xo nimnenê. La çend bikerê zî nêeşkenê derbanê ke gerîlayan ra werdê binimnê.

Artêşa îxşalkere û medyaya şerê taybetî îdîa kenê ke gerîlayanê ma xeylêk şehîdî dayê. La wa şarê ma yo welatperwer û rayaumûmîya Tirkîya bizanê ke Operasyonê Şorişgêrî yê Şehîd Ahmed Rûbarî de embazê ma Memya û Operasyonê Şorişgêrî yê Girê Amedîyê de zî embazê ma Welat, Helmet û Huseyîn şehîd bîyî. Nê embazanê ma yê qehremanan ra ber şehadetê ma çin o. Artêşa îşxalkere û medyaya ci ya şerê taybetî zûran kenê.

Detayê Operasyonê Şorişgêrî yê Girê Amedîyê wina yê:

Herêma Şehîd Delîlî ya Rojawanê Zapî de Warê Xoverdayîşî yê Girê Amedîyê de 23yê kanûne de saete 14.40 de operasyono şorişgêr ame kerdene. Nê operasyonî de 200 îşxalkerî, 44 mewzî û xeymî, beşê tank û panzerî ameyî hedefkerdene. 7 baskan ra hêzanê ma da îşxalkeran ro. Îşxalkerî hêverî bi bombayanê destan û çekanê ferdîyan ameyî pirodayene, dima 3 baskanê ma nêzdî ra da îşxalkeran ro û 4 baskanê bînan zî bi çekanê giranan û nêmotomatîkan îşxalkerî kerdî hedef.

Baska ke serkêşîya embaz Welatî de hêriş kerdêne cade qismê îşxalkeran vist destî, pêro mewzî û xeymî îmha kerdî. Îşxalkerî mewzîyan ra remayî. Embazê ma Welat û Helmet qismê diyînî yê baskanê bînan de birîndar bîyî la rixmê ney zî înan bi cesaretî vera dişmenî şer kerd. Embazê ma Welat û Helmetî heta nefesê xo yê peyênî şer kerd û şehîd bîyî. Embazê ma Huseyîno ke serkêşanê operasyonî ra yew bi ruhê fedayî şi serê dişmenî û bi qehremanî şehîd bi.

Embazanê ma wird qismanê operasyonî de derbê giranî dayî îşxalkeran ro û Warê Xoverdayîşî yê Girê Amedîyê de bi temamî 34 îşxalkerî ceza kerdî.''