Merkezê Îrtîbatî û Çapemenîye yê HPGyî 4 gerîlayê ke 2018 de Qendîl de şehîd bîyî yad kerdî. Eşkerayîya HPGyî wina ya:

''22ê adara 2018î de bombardumananê vera herêma Qendîlî de embazê ma Argeş, Botan, Çîyager û Sipan şehîd bîyî. Nasnameyê embazanê ma yê şehîdan wina yê:

Nameyê Qodî: Sipan Çirav Name û Peyname: Hasan Damar Cayê Bîyayîşî: Sêrt Maye-Pî: Taybete – Abdulcelil Tarîx û Cayê Şehadetî: 22ê Adara 2018î / Qendîl

Nameyê Qodî: Argeş Şoreş Name û Peyname: Huseyin Kamkar Cayê Bîyayîşî: Mahabad Maye-Pî: Hacere – Xidir Tarîx û Cayê Şehadetî: 22ê Adara 2018î / Qendîln

Nameyê Qodî: Botan Amed Name û Peyname: Ahmet Gezer Cayê Bîyayîşî: Amed Maye-Pî: Ayfere – Haci Tarîx û Cayê Şehadetî: 22ê Adara 2018î / Qendîl

Nameyê Qodî: Çiyager Lice Name û Peyname: Murat Işik Cayê Bîyayîşî: Amed Maye-Pî: Vesife – Hatip Tarîx û Cayê Şehadetî: 22ê Adara 2018î / Qendîl

Embazê ma Argeş şaristanê Mahabadî yê Rojhelatê Kurdîstanî de dadîya xo ra bîyo û hema ciwan bî tewrê karanê ciwanîye bi. Embaz Argeş xeylêk reyî hetê rejîmî ra ame destbendkerdene û maruzê îşkenceyan mend. Embaz Argeş seba têkoşînêkê hîna radîkalî tewrê gerîlayan bi. Embazê ma Argeşî pêro cuya xo ya gerîlatîye de embazîya Apogîre pê perwerîyêka pîle arde ca û bi milîtanêko serkewte.

Embaz Botan qezaya Rezanî ya Amedî de dadîya xo ra bîyo û pê îradeyêkê pîlî ciwanîya xo de tewrê gerîlayan bi. Embaz Botan pê coş û moralî tewrê karanê gerîlayan bi û tesîrê modernîzma kapîtalîste yew bi yew kesayetê xo ra pakî kerdî. Embaz Botan pê kesayetê xo yê zerrînizm, kedkare û tewirê xo yê leşkerî pêro embazanê xo rê bi mîsalêk.

Embaz Çîyager qezaya Licê ya Amedî de dadîya xo ra bîyo û ciwanîya xo de amebi tepiştene. Embaz Çîyager dima ke 11 serran zîndanê îşxalkeran de mend wexto ke vejîya verê xo da koyanê azadan û bi gerîla. Embaz Çîyagerî firsend dî ke zanayîşê xo yo teorîk koyanê Kurdîstanî de pratîze bikero. O tim bi pawitoxo raştikên ê felsefeya Rayber Apoyî.

Embaz Sipan metropolanê Tirkîya de mîyanê keyeyêkê botanijî de dadîya xo ra bîyo û vera polîtîkayanê gemarinan ê dewlete tewrê têkoşînê gerîlayan bi. Embaz Sipan cade cuya koyan musa û hesreta welatê xo qedînaye. Embaz Sipanî pêro xebatan de serfîrazîye xo rê kerde esas û nê esasî ser o bi wayîrê tewrbîyayîşêkê aktîfî.

Sere de keyeyanê ercîyeyan ê şehîdanê ma rê, ma pêro şarê welatperwerî yê Kurdîstanî rê serweşîye wazenê. Ma soz danê ke armanc û xeyalanê şehîdanê xo bîyarê ca.