HPG: Vera tunelan 11 reyî çekê kîmyewîyî şuxilîyayî
Merkezê Îrtîbatî û Çapemenîye yê HPGyî da zanayene ke artêşa tirke ya îşxalkere vera tunelanê Warê Xoverdayîşî yê Girê FMyî yê Herêma Rojawanê Zapî 11 reyî bi çekanê kîmyewîyan hêriş kerdo.
ÇALAKÎYÊ GERÎLAYAN
Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî yê artêşa tirke de bi eşkerayîyêke agahîyî dayî.
Eşkerayîye wina ya:
''Herêma Şehîd Delîlî ya Rojawanê Zapî
15ê gulane de Warê Xoverdayîşî yê Girê FMyî de vera îşxalkeranê ke tunelanê ma de teqaberê qedexeyî cakerdêne mudaxele ame kerdene û têgêrayîşê înan ame vindarnayene.
15ê gulane de Warê Xoverdayîşî yê Girê FMyî de 1 dron ame îmhakerdene.
15ê gulane de Warê Xoverdayîşî yê Girê Cûdîyî de hêzanê ma yê YJA-Starî da îşxalkeran ro.
Hêrişê îşxalî
15-16ê gulane de tunelê Warê Xoverdayîşî yê Girê FMyî 11 reyî bi gazanê kîmyewîyan dîyayî bombayan ver.
15ê gulane de tunelê Warê Xoverdayîşî yê Girê Amedîyê 1 reye bi teqaberanê qedexeyan dîyayî bombayan ver.
15ê gulane de Warê Xoverdayîşî yê Dergelê yê Metîna û 15-16ê gulane de Warê Xoverdayîşî yê Golka, Qesrokê û Şêlazê yê Metîna bi helîkopteran dîyayî bombayan ver.''
