HPG: Xakurkê de 4 leşkerê tirkî ameyî kiştene
Gerîlayanê HPG û YJA Starî çarçeweya Hemleya Şorişgêre ya Şehîd Bager û Şehîde Ronya de Xakurkê de di hetan ra çalakîyêka bitesîre viraşte. Çalakîye de 4 leşkerê tirkî ameyî kiştene.
Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:
''Çarçeweya Hemleya Şorişgêre ya Şehîd Bager û Şehîde Ronya de Xakurkê de hêzanê ma 18ê gulane de vera artêşa tirke çalakîyêke bitesîre viraşte. Çalakîya ke vera leşkeranê ke Qilê Şehîde Axîne de ameybî cakerdene di hetan ra ameye viraştene de 4 leşkerê tirkî ameyî kiştene. Badê çalakîye herême ameye bombardûmankerdene. Yewîya ma ya ke çalakîye viratşe weş û war resayê cayê xo.
Teyarayê artêşa tirke ya îşxalkere vera Herêmanê Pawitişî yê Medya hêrişê hewayî kerd. 11ê gulane de Qile Şehîd Hozan û Şehîd Şahanî, 17ê gulane de Qilê Şehîd Kahramanî, 18ê gulane de Qilê Konitî Xakurkê û reyna 18ê gulane de warê Kanisarkê yê Zapî ameyî bombardûmankerdene. Nê hêrişan de vînîbîyayeyê ma çîn ê.''
