Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyeke  daye û nê pare kerdî:

''Çarçeweya Hemleya Şorişgêre ya Cengê Heftanînî de vera hêrişê îşxalî yê dewleta tirke yê vera Başûrê Kurdîstanî xoverdayîşo tarîxî dewam keno.  

Heftanîn de 7 leşkerî ameyî cezakerdene

25ê hezîrane de warê Şeşdara de mabênê hêzanê ma û îşxalkeran de pêkewtişê giranî ciwîyayî. Hetê bînî ra herême ameye bombardumankerdene. Netîceya pêkewtişan de 7 leşkerî ameyî cezakerdene û xeylêk zî birîndar bîyî.

5 gerîlayî şehîd bîyî

Nê pêkewtişan de embazê ma Semo Kato, Arîne Engîzek, Bêrîvane Cûdî û Ararat Serhat ê ke komûtaya hemra Esmer Devrîmî de bî heta guleyê xo yê peyînî şer kerd û tewrê kerwanê şehîdan bîyî.

YJA Starî ra çalakîya sabotajî

26ê hezîrane de îşxalkerê ke ver bi warê Şehîd Cûdîyî şîyêne hetê hêzanê ma yê YJA Starî ra ameyî pirodayene. Çalakîya sabotajî de leşkerêk ame cazekerdene. Eynî roje warê Xantûrî de zî çalakîyêka bitesîre ameye kerdene. Detayê na çalakî do peyra bêrê parekerdene.

Çarçeweya Hemleya Şorişgêre de Şehîd Bagerî û Şehîd Ronya de hêzanê vera artêşa tirke çalakîyî kerdî. Na çarçewe de;

Çelê de 2 leşkerî ameyî kiştene

24ê hezîrane de hêzanê ma yê YJA Satarî Çelê ya Colemêrgî de da dişmenî ro.Çalakîya ke Qilê Şehîd Rêberî de ameyî kerdene wesayîtê kepçeyî ame îmhakerdene û 2 leşkerî amyî cezakerdene 2 hebî zî birîndar bîyî. 27ê aşme de reyna Çelê de vera Qereqolê Gire çalakîyêke ameye kerdene. Çalakîya ke mewzî û stargehê dişmeî bitesîr ameyî pirodayene de hûmara merde û birîndaran safî nêbîye.

 3 gerîlayî şehîd bîyî

31ê gulane de warê Derewa Qesradê yê Çelê de operasyonêk ame kerdene û mabênê hêzanê ma û dişmenî de pêkewtişî qewimîyayî. Embazê ma Brusk, Harûn û Kawa yê ke derbê giranî dayî dişmenî ro heta guleyê xo yê peyênî şer kerd û tewrê kerwanê şehîdan bîyî.

Bombarduman

26-27ê hezîrane de teyarayanê şerî yê dewleta tirke warê Sîda yê Zapî yê Herêmanê Pawitişî yê Medya ame bombardumankerdene. Nê hêrişan de vînîbîyayeyê ma çîn ê. Rîyê hêrişî ra herême de şewat vejîya.''