Merkezê Çapemenî û Îrtîbatî yê HPG’yî eşkerayîyêka nuştekîye da pêhesnayene ke 3 gerîlayê ke 21 û  24’ê Tebaxe de Heftanîn  û Cûdî de bombardûmanê artêşa Tirkî  de şehîd bîyî û hayîdarîyê nasnameyanê înan eşkera kerdî.

HPG’yî vist vîrî ke înan eşkerayîya xo ya 24’ê Tebexe de wina vato; ‘’21’ê Tebaxe de leşkerê ke Girê Çolya de yê bi operasyonêkê şorişgêrî ameyî pirodayene. Hêzê ma di qolan ra kewtî mewzîyanê dişmenî û şîyî çar meyîtanê leşkeran ser û sîlehê dişmenî fînayî dest. Reyna mewzîya bîne zî pîya bi hîrê leşkeranê ke tede bî ameye îmhakerdene. Nêtîceya pirodayîşanê bitesîran de mewzîyan de şewat  û cepilxane de teqayîş vejîya. Dimayê çalakîye herême ameye bombardûmankerdene. Nê bombardûman de di embazê ma şehîd bîyî’’ û vat nê embazê ma Adil û Serhat ê ke bi ruhê 15’ê Tebaxe şîyê dişmenî ser, ê yê. HPG’yî vat reyna ma eşkerayîya xo ya 26’ê Tebaxe de zî vatbi ke bombardûmanê atêşa Tirkî ya herêma Bektorya de embezêkê ma şehîd bîyo. No embazê ma zî Piran Medya yo. Ma vanê wa sere de sereyê keyeyanê embazanê ma yê ke  Heftanîn û Cûdî de resayê şehadet, sereyê heme şarê ma yê welatperwerî weş bo û ma soz danê heta ma waştişanê şehîdanê xo bica bîyarê ma do mucadeleyê xo bidomnê.’'

Hayîdarîyê nasnameyanê gerîlayanê ke şehîd bîyî wina yê:

Nameyê Qodî: Adil Amed

Name Peyname: Metîn Deger

Cayê Bîyayîşî: Şirnex

Maye - Pî: Reyhane - Abdullah

Tarîx û Cayê Şehadetî: 21’ê Tebaxe 2019 / Cûdî

Nameyê Qodî: Serhat Botan

Name Peyname: Mehmet Salîh Dalmiş

Cayê Bîyayîşî: Şirnex

Maye - Pî: Emîne – Mehmet Emîn

Tarîx û Cayê Şehadetî: 21’ê Tebaxe 2019 / Cûdî

Nameyê Qodî: Pîran Medya

Name Peyname: Mûhyettîn Hîsuyan

Cayê Bîyayîşî: Selmas

Maye - Pî: Gazî - Bado

Tarîx û Cayê Şehadetî: 24’ê Tebaxe 2019 / Heftanîn