Merkezê Çapemenî û Îrtîbatî yê HPG'yî 3 nasnameyê  gerîlayan ê cinîyan  ê ke mabênê serranê 2017-2018'î de, Wareyê Pawitişî yê Medya de şehîd bîyê eşkera kerdî.

Eşkerayîya HPG'yî de nê ameyî parekerdene: “Têgêrayîşê azadîye yê Kurdistanî, tarîxê xo yo ke bi xoverdayîşêko gird afernayo de, şahidîya qehremanîye ya bêhemparîyan kerdo. Vera  bêhiştî û îmhayê ke serê cimatê Kurdistanî yenê ferzkerdene, mîlîtanê fedaîyê  ke hêvîya şarî danê serê milê xo, nê ke tena berpirsîyarîyanê xo yê exlaqî û wijdanî anê ca, heman wext de bi bawerî û qerardarî têkoşînêkê îradeyî danê. Ma hevalanê xo Newale, Evîne û Têkoşîne yê ke zaf baş zanayêne ke azadîya bi fedekarîya pîle yena û wexto ke semedê naye mucadele kerdêne  tewrê kerwanê şehîdan bîyî, bi rêzdarî yad kenê.“

Nasnameyê hîrê gerîlayan wina yê:

Dewamê eşkerayî de ca dîya nînan:“Hevalê ma Newale, Evîne û Têkoşîne, hêvîyê şarê Kurdistanî kerdê paşt û kewtê rayîrê azadîye û bi bawerîyêka zixmê tekoşînêko gird a. Nê hevalê ma yê erjayêyî yê ke Têgêrayîşê Azadîye yê Kurdistanî de bi  şerkerdişêkê qehremenkî şehîd kewtê, wexto ke tewrê gerîla bîyî, bi bawerîya  azadî, bîyî nimûneyê  fedakarî û girêdayîye. Hevalê ma yê ke vera modernîteya kapîtalîste û hişmendîya camêrdî de bi fikranê cinîya azad û cuye şorişgêre, seba ke hertim aver de şirê, cehd kerd, mabênê têkoşînî de bi slogana Kurdistano azad û Rayberîya azade, gamê girdî yê şorşgêrî eştê û bîyê wayîrê rolêkî.“

HPG'yî peynîya eşkeraye de serweşîye waşte û sond wend ke ê wayîrê vîrardişê înan bivejîyê: “Ma reyêka bîne hevalanê xo Newale, Evîne û Têkoşîne bi hurmet  yad kenê, ma keyeyanê weletperweran ê Turna, Demîr û Komuşî rê serweşîye wazenê û, ma sond danê ke heta ke waştişê cuyeya azade ya şehîdan bêro ca ma do têkoşînê  bikerê.‘‘