Merkezê Çapemenî û Îrtîbatî yê HPG’yî derheqê çalakîyanê gerîlayan û hêrişê artêşa Tirkî de zanayîş da.

Eşkerayîye de nê ameyî perekerdene:

''Hêzanê ma 12-13’ê Êlule de bi çalakîyanê bitesîrî vera artêşa Tirkî ya Îşxalkare Hemleya Cengê Heftanînî daye destpêkerdene. Goreyê naye: 12’ê Êlule de leşkerê ke Qilê Partîzanî de ameybî cakerdene ameyî pirodayene.  Çalakîye de 3 leşkerî ameyî kiştene û 1 mewzîya dişmenî tememî de ameye îmhakerene.13’ê Menge de Qilê Sîserî de yewîyê operasyonî hetê hêzanê ma ra di hetan ra ameyî pirodayene. Netîceyê çalakîye de 4 leşkerê dişmenî ameyî kiştene û xeylî zî birîndar bîyî. Eynî roje de mabenê Qilê Sîserî û Qilê Hêlîzî de çalakîyêk ameye viraştene. Çalakîya ke yewîya operasyonî ya ke xebatê rayîrî rayra berndene hedef ameye girewtene de dozerêk pîya bi leşkerêko tede bi ame îmhakerdene. Dimayê çalakîye herême ameye bombardûmankerdene. Yewîyanê ma yê ke nê çalakîyî viraştî weş û war resayê cayanê xo.

Pîran de Operasyon

9’ê Êlule de qezaya Pîranî ya Amedî de artêşa Tirkî ya îşxalkare mintiqaya Deşta Gorsê de operasyonêk da destpêkerdene.Çarçeweya nê operasyonî de di embazê ma şehîd kewtî. Hayîdarîyê nasnameyanê embazanê ma do pey ra bêrê eşkerakerdene. Operasyon roja bîne peyser ancîya.

Leşkeran Bi Sîlehanê Giranan Hêrişê Dewa Pirêjmanî  Kerd

Eynî roje de artêşa Tirkî bi wesayîtanê zirxinan ê qereqolanê Beyaz Çeşme û Berîkî dewa Pirêmanî girwete binê ablûqa û sîlehê giranî kerdî dewe ser ra. Saetanê şewe de îşxalkaran eşt dewe ser, şarî rê îşkence kerd û tayî dewijî destbend kerdî.

Herêma Gorsê Ameye Bombardûmankerdene

5’ê Êlule de artêşa Tirkî ya îşxalkare herêma Gorsê ser o bombayî varnayî. Netîceyê hêrişan de vînîbîyayeyê ma çîn ê. La erazî de şewat vejîya.

Qendîl de Hêrişê Hewayî

13’ê Êlule de teyareyanê şerî yê Tirkî Wareyê Pawitişî yê Medya ra hêrma Qendîlî de dormeyê dewanê Kozinê û Balayanî  û Heftanîn de herêma Gelîyê Pîsaxa ser o bombayî varnayî. Netîceyê hêrişan de vînîbîyayeyê ma çîn ê.‘‘