HPG’yî nasnameyê di gerîlayanê ke şehîd bîyî eşkera kerdî
HPG’yî nasnameyê di gerîlayanê ke Amed û Hatay de şehîd bîyî eşkera kerdî.
HPG’yî nasnameyê di gerîlayanê ke Amed û Hatay de şehîd bîyî eşkera kerdî.
Merkezê Çapemenî û Îrtîbatî yê HPG’yî bi eşkerayîyêka nûştekîye derheqê nasnameyê di gerîlaynê ke 2’ê Temmuze de qezaya Dortyolî ya Hatayî û 24’ê Hezîrane de qezaya Hêne ya Amedî de şehîd bîyî eşkera kerdî.
Eşkerayîye de nê ameyî parekerdene: ‘’Ma eşekrayîya xo ya 10’ê Temmuze de dabi zanayene ke 2’ê Temmuze de wareyanê Tokdag û Ovacikî yê qezaya Dortyolî ya Hatay de embezêkê ma bi şerkerdişêkê qehremankîyî şehîd bîyo. Embazê ma yo ke şehîd kewt Çîyazan (Davût Acar) o. Detayê nasnameyê hemrayê ma wina yê:
Nameyê Qodî: Çîyazan Kaşûrî Name Peyname: Davût Acar Cayê Bîyayîşî: Colemêrg Maye-Pî: : Ayşe - Veysî Tarîx û Cayê Şehadetî: 2’ê Temmuze 2019 / Hatay
|
Hemrayê ma Çîyazan Kaşûrî serra 1994 de Colemêrg de zereyê keyeyêkê welatperwerî de ame dinya û vera polîtîkaya hêrişkare ya dewlete 2010 de verê xo da koyanê Kurdistanî. Hemrayê ma Çîyazan 2’ê Temmuze de pêkewtişê vera îşxalkaran de tewrê kerwanê şehîdanê bêmergan ê ke Amanosan de vera faşzîmî destanî nuştî, bi.
Ma eşkerayîya xo ya 1’ê Temmuze de dabi eşnawitene ke 24’ê Hezîrane de qezaya Hêne ya Amedî de 2 embazê ma hêrişê hewayîyî yê dewa Şelê de şehîd bîyî. Embazê ma Çekdar (Îbrahîm Aşûna) yo ka sîcîlê ci zelal bîyo detayê ci wina yê.
Nameyê Qodî: Çekdar Marnos Name Peyname: Îbrahîm Aşuna Cayê Bîyayîşî: Haleb Maye-Pî: Nedîme - Muhammed Tarîx û Cayê Şehadetî: 24’ê Hezîrane / Amed
|
Hemra Çekdar Marnos serra 1994 de Haleb de ame dinya û vera polîtîkaya qirkerdişî ya kulturkî ya ke her leteyê Kurdistanî de yena bicaardene serra 2015 de tewrê refanê gerîlayan bi. Embaz Çekdaro ke bi waştişêkê pîlî wezîfe û mesuldarîyê xo bica ardî 24’ê Hezîrane de herişê hewayîyî yê îşxalkaran de şehîd kewt.
Sere de keyeyê ercayeyî yê hemrayanê ma Çîyazan û Çekdarî, ma hemeyê şarê Kurdistanî yê welatperwerî rê serweşîye wazenê û ma soz danê ke ma do meşteyanê azadan yê ke hewn û xeyalê şehîdanê ma bî biafernê.”