Merkezê Îrtîbat û Çapemenîye yê HPG'yî bi eşkerayîyêka nuştekîye nasnameyê di gerîlayanê ke şehîd bîyî eşkera kerdî.

Eşkerayîya HPG'yî wina ya:

"Eşkerayîya xo ya 17'ê Teşrîna Verêne de ma dabi eşnawitene ke 10'ê Teşrîna Verêne de wareyê Tizyanî yê qezaya Stewrî ya Mêrdînî de operasyonê artêşa Tirkî ya îşxalkare de şer qewimîyayo û şer de embazêkê ma şehîd bîyo. Reyna ma  eşkerayîya xo ya 19'ê Teşrîna Verêne de rayaumûmîye reyde pare kerd ke 17'ê Teşrîna Verêne de dewa Îkîzce ya Şirnêxî de mabênê artêşa Tirkî ya îşxalkare û hêzanê ma de şer qewimîyayo û embazêkê ma yo bi mêrxasî verba yewîyanê dişmenî şer kerdêne, şehîd bîyo. Sere de keyeyanê ercayeyan ê embazanê ma Azad û Birîndarî yê şehîd bîyê rê ma sereweşîye pêroyê şarê Kurdistanî yo welatperwerî rê wazenê û soz danê ke ma do têkoşînê xo heta serkewtişî bi îdîaya Rayberîya Azade û Kurdistano Azad xurt bikê."

Hayîdarîyê nasanmeyê gerîlayanê ke şehîd bîyî wina yê:

Nameyê Qodî: Azad Cûdî Name û Peyname: Nîhat Şîla Cayê Bîyayîşî: Efrîn Maye-Pî: Emîne-Huseyîn Tarîx û Cayê Şehadetî: 10'ê Teşrîna Verêna 2019 / Mêrdîn

Nameyê Qodî: Birîndar Bane Name û Peyname: Xalik Abdullahî Cayê Bîyayîşî: Bane Maye-Pî: Pervîne-Mahmût Tarîx û Cayê Şehadetî: 17'ê Teşrîna Verêna 2019 / Şirnêx