Merkezê Îrtîbat û Çapemenî yê HPG’yî bi eşkerayîyêk Çelê û Xakurkê de 4 gerîlayê ke  şehîd bîyî hayîdarîyê nasnameyanê înan eşkera kerdî û nê pare kerdî:

‘‘Ma çalakîya xo ya 4’ê Êlule de dabi eşnawitene ke hêzanê ma 2’ê Êlule Qilê Xeregolî yê Çelê ya Colemêrgî de çalakîyêk virate û 13 îşxalkarî ameyî kiştene. Çalakîye ra dima herême de bombardûman heta 8 menge dewam kerd û mabênê hêzanê ma û artêşa Tirkî de pêkewtişî vejîyayî. Nê operasyon û pêkewtişan de 3’ê Êlule de hemrayê ma Rênas Tolhildan û 6’ê menge de  hemrayê ma Xeyrî Herekol bi şerkerdişê qehremankîyî tewrê kerwanê şehîdan bîyî. 8’ê Êlule de mintiqaya Şelalê  de vera yewîyanê operasyonî çalakîyêk ameye viraştene leşkerêk ame kiştene yew zî birîndar bi. Nasnameyê gerîlayanê ke şehîd bîyî wina yê:

Reyna ma eşkerayîya xo ya 5’ê Êlule de dabi eşnawitene ke 3’ê Êlule de Wareyê Pawitişî yê Medya ra herêma Xakurkê de vera helîkopterêk yo ke waştêne Dola Şêxzade bikewo çalakîyêk ameye viraştene, helîkopter ame derbkerdene. Badê çalakîye 4’ê Êlule de bobmardûman de di embazê şehîd bîyî. Embazê ma yê ke şehîd bîyî nameyê înan wina yê:

Şexsê keyeyanê nê şehîdanê ma yê ercayeyan de ma heme şarê Kurdistanî yê welatperwerî rê serweşîye wazenê, ma sond wanenê ke ma do beyraqa xoverdayîşî ya ke şehîdanê ma ma rê verdaya bi azadîye tacîdar bikerê.”