HPG'yî Sîdekan de da îşxalkaran ro
Merkezê Çapamenî û Îrtîbatî yê HPG’yî da zanayene ke înan herêma Sîdekanî yê Başûrê Kurdistanî de derbeyê giranî dayê mewzî û stargehanê hêzanê îşxalkeranê Tirkan ro.
Merkezê Çapamenî û Îrtîbatî yê HPG’yî da zanayene ke înan herêma Sîdekanî yê Başûrê Kurdistanî de derbeyê giranî dayê mewzî û stargehanê hêzanê îşxalkeranê Tirkan ro.
Merkezê Çapemenî û Îrtîbatî yê HPG’yî eşkerayîyêka nuştekîye weşanaye û nê pare kerdî:
“28'ê Sibate saet 09:00 hêzanê ma erdê Elîdirêjî yê herêma Sîdekanî yê Başûrê Kurdistanî de verê artêşa Tirkî ya îşxalkare çalakîyêk viraşte û derbeyê giranî dayê mewzî û stargehan ê dişmenî ro. Hûmara eskeranê merdîyan û birîndaran ê na çalakîye nêameyê tespîtkerdene. Hêzê îşxalkarî çalakîye ra dima bi obus û topanê hawanan der û dorî ser o bombayî warnayî.
Şewa eynî roje Colemêrgî de têgêrayîşê hewayî qewemîyayê û werayê Zapî de zî ameyê bombakerdene.
28'ê Sibate saetanê mabênê 21:00-21:30'î de Girê Xeregolî yê qezaya Çele yê Colemêrgî de helîkotperê Skorsky yê artêşa Tirkî gêrayî. Hetê bînî ra helîkotperanê hêrişî eynî wext de wareyê Şehîd Rustemî yê Zapî ser o zî bombayî warnayî. Netîceyê bombardimanî de zerarêk bi hêzanê ma nêreşto”