HPG: Gerîlayan da îşxalkaran ro

HPG’yî da zanayene ke Heftanîn û Çelê de hêzanê înan da îşxalkaranê Tirkî ro. Çalakîyan de helîkopterêk ame derbkerdene.

Merkezê Çapemenî û Îrtîbatî yê HPG’yî  bi eşkerayîyêk derheqê çalakîyanê gerîlayan hêrişê artêşa Tirkî de zanayîş da.

Herêma Partîzanî de Çalakîya Sabotajî

1’ê Êlule  de herêma Partîzanî yê Heftanînî de di çalakîyê sabîtajî ameye viraştene la hûmara merde û birîndaran zelal nêbîye. Dimayê çalakîyan herêmê Partîzan û Gelîyê Pîsaxa ameyî bombavarankerdene.

Xakurkê de Helîkopterêk Ame Derbkerdene

31’ê Tebaxe de hêzanê ma yê YJA Starî qezaya Çelê ya Colemêrgî de çalakîyêk viraşte.  Îşxalkare ke Qilê Şehîd Baranî de ameyî cakerdene ameyî pirodayene. Çalakîya ke mewzî û stargehê dişmenî ameyî pirodayene de hûmara merde û birîndaran nemaye tesbîtkerdene.1’ê Êlule  de zî  hêzanê ma yê YJA Starî Qilê Xeregolî yê Çelê de çalakîyêk viraşte la peynîya ci safî nêbîye. Heman roje de Xakurkê de Qilê Şekîfî de di helîkopterê taarûzî  ameyî pirodayene, helîkoterêk ama derbkerdene.

Dêrsim de 4 Gerîlayî Şehîd bîyî

27’ê Tebaxe de artêşa Tirkî ya îşxalkare herêma Mermangê ya Dêrsimî de operasyonêk dayo destpêkerdene. Heman roje de herême bombavaran kerde û roja bîne mabênê hêzanê ma û îşxalkaran de pêkewtiş vejîyayo.Operasyono ke bi paştdayîşê yewîyanê nimiteyan hema yeno domnayene de 4 embazê ma şehîd  bîyî. Hayîdarîyê nasnameyanê embazanê ma yê şehîdan do rayapêroyîye dir bêrê parekerdene.

Hêrişê Hewayî

31’êTebaxe de Metîna de dormeyê dewa Yekmalê û herêma Geliyê Avaşînî, 1’ê Êlule Metîna de dormeyê dewa Yekmalê û Gare de dormeyê Gundê Guzê û dewa Şkefta ameyî bombavarankerdene. Hêrişan de vînîbîyayeyê ma çîn ê. La herême de şewat vejîya.