Merkezê Îrtîbatî û Çapemenîye yê HPGyî bi eşkerayîyêke pare kerd ke di rojanê peyênan de Xakurkê û Metîna reyde Zap de zî Operasyono Şorişgêr ameyo kerdene û 18 îşxalkerê bînî tîya de ameyê cezakerdene.

Eşkerayîye wina ya:

''Gerîlayê Azadîye yê Kurdîstanî Anqara ra heta Serhedî, Mersînî ra heta Botanî, Amedî ra heta Metîna û Dêrsimî ra heta Zap û Xakurkê bi ruhê fedayî yê Apogîrî têkoşînê xo rê dewam kenê. Gerîlayê ke serkêşîya Şerê Şarî yê Şorişgêrî de qerardar ê, bi mesuldarîya xo ya tarîxîye rixmê şertanê zimistanî yê zehmetan zî rayîr nêdanê artêşa tirke ya îşxalkere û derbanê giranan danê piro.

Di rojanê peyênan de Xakurkê û Metîna de gerîlayan bi Operasyonanê Şorişgêran derbî dabî artêşa îşxalkere ro. Nînan reyde 23yê kanûne de zî rojhelat û rojawanê Zapî de gerîlayan di operasyonê şorişgêrî kerdî û dersê tarîxîyî dayî artêşa îşxalkere û rejîmê AKP-MHPyî yê faşîstî.

Detayê Operasyonê Şorişgêrî yê Şehîde Melsa Mûş  û Girê Amedîyê wina yê:

Herêma Zapî

23yê kanûne de Warê Xoverdayîşî yê Kuro Jahroyî de vera îşxalkeran hîrê baskan ra Operasyono Şorişgêr ê Şehîde Melsa Mûş ame kerdene. Baska yewine kewte mewzîyanê îşxalkeran û da nînan ro. Baska yewine hîrê mewzîyî îmha kerdî, şîye cenazayanê dişmenî ser û dest na 1 çeka BKCyî, 1 çeka MPT-55î û 1 durbunê çekan ser.

Baska diyîne bi bombayanê destan, çekanê ferdî û nêmotomatîkan xeym û mewzîyê îşxalkeran kerdî hedef. Tîya de 3 îşxalkerî ameyî cezakerdene, 1 îşxalker birîndar bi û rema, 3 mewzî û 4 xeymî ameyî îmhakerdene.

Baska hîrêyîne mewzî, kamelya û xeymê îşxalkeran kerdî hedef û 12 îşxalkerî ceza kerdî, 1 kameraya mobese zî îmha kerde.

Operasyonê Şorişgêrî yê Şehîde Melsa Mûş de 18 îşxalkerî ameyî cezakerdene, 1 îşxalker birîndar bi, dest nîya 1 çeka BKCyî, 1 çeka MPT-55î û 1 durbunê çekan ser, 6 mewzî, 4 xeymî, 1 kameraya mobese û 1 kamelya zî ameyî îmhakerdene. Operasyon de di giran de hêzê dişmenî bi temamî ameyî tasfîyekerdene û girî bi cenazayanê îşxalkeran gêrîyayî binê kontrolî. Artêşa tirke ya îşxalkere wird girî zî dima dayî bombayan ver.

Nê operasyonî de hêzanê ma yê gerîlayan ra çew şehîd nêbi. Gerîlayanê ma no operasyon seba vîrameyîşê embaza ma ya serkêşe û fermandara fedakare Melsa Mûş kerd.

Herêma Şehîd Delîlî ya Rojawanê Zapî

ma derheqê operasyonê şorişgêrî yê 23yê kanûne de agahîyê hîrayî dabî. Nê agahîyan reyde nê operasyonî de dest nîya 4 çekanê ferdîyan ser. Ancî nê operasyonî de 2 çekê A4î, 2 çekê bombaeştoxî û zincîrê ci, 2 çeka sekbanîye, xeylêk malzemeyê teknîk û leşkerîyî, 26 xeym û mewzîyî ameyî îmhakerdene.

Hêrişê artêşa tirke ya îşxalkere

23yê kanûne de warê Balayan û Gundê Silê yê Qendîlî  2 reyî; warê Awa Lolanî yê Xakurkê 4 reyî bi teyarayanê şerî dîyayî bombayan ver.''