Merkezê Îrtîbatî û Çapemenîye yê HPGyî bi eşkerayîyêke Fermandar Şevger Çîya yad kerd. Eşkerayîye wina ya:

''Ma ewladê şarê ma yê qehremanî  şerwano qehreman û fermandarê ma yê ercîyaye Şevger Çîya serrgêra şehadetê ci de bi rêz û minetî yad kenê. 

Embazê ma Şevgerî bi pratîk û hişmendîya xo 24 serran têkoşînêko bêmabên kerd û Mêrdînî ra heta Gabarî, Cûdî ra heta Herêmanê Pawitişî yê Medya xeylêk cayanê Kurdîstanî de erkê xo yê şorişgêrî ardî ca.

Kesayet, fedakarî û fermandarîya ey do tim hetê ma ra sey nimûneyan bêrê qebulkerdene. Ma sere de keyeyê ci yê ercîyayeyî, pêro şarê ma yê Mêrdîn û Kurdîstanî yê welatperwerî rê serweşîye wazenê.

Nasnameyê embaz Şevger Çîyayî wina yo:

Embaz Şevger qezaya Artukluyî ya Mêrdînî de dadîya xo ra beno. Embaz Şevger hêverî xebatanê milîsan de cagêno û dima çalakîyanê şaristanan de erk keno. Embaz Şevger şehadetê deza û xalzayê xo ra dima 1998 de tewrê gerîlayan beno.

Embaz Şevger Gabar de perwerde vîneno, tîya ra derbazê Heftanînî beno û di serran têkoşîn kenı. O Botan de 2004 de tewrê Hemleya 1ê Hezîrane beno. 2007 de Akademîya Hakî Karerî de perwerde vîneno û beno fadayîyêko Apogîr. Embaz Şevger dima perwerdeyê Akademîya Şehîd Îbrahîmî zî temam keno. Embaz Şevger bi îradeyêkê xurtî beno fermandarêko marîfetîn. Embaz Şevger peyê xo de mîrasêkê pîlî verdeno.

Embaz Şevger 22yê çeleyê 2022yî de Herêmanê Pawitişî yê Medya de hêrişê dişmenî de şehîd bi. Ma soz danê ke xeyalanê ey teqîb bikerê û mîrasê ey bi têkoşînê xo tacîdar bikerê.''