Merkezê Îrtîbatî û Çapemenîye yê HPGyî nasnameyê hîrê şehîdanê Çelê eşkera kerdî û nê pare kerdî:

''Me eşkerayîya xo ya 28ê hezîrane de vatbi ke 31ê gulane de warê Derewa Qesradê yê Çelê de operasyonêk ame kerdene û mabênê hêzanê ma û dişmenî de pêkewtişî qewimîyayî. Embazê ma Brusk, Harûn û Kawa yê ke derbê giranî dayî dişmenî ro heta guleyê xo yê peyênî şer kerd û tewrê kerwanê şehîdan bîyî.

Embazê ma yê ke şehîd bîyî zanayîşê nasnameyanê înan wina yê:

Nameyê Qodî: Brusk Amed Name û Peyname: Bariş Bardakçi Cayê Bîyayîşî: Amed Maye-Pî: Hediye - Şukru Tarîx û Cayê Şehadetî: 31ê Gulana 2020 / Çelê

Nameyê Qodî: Harûn Ozgur Name û Peyname: Engîn Deniz Cayê Bîyayîşî: Wan Maye-Pî: Salîha - Ahmet Tarîx û Cayê Şehadetî: 31ê Gulana 2020 / Çelê

Nameyê Qodî: Kawa Rûstem Name û Peyname: Xelîl Nahsan Cayê Bîyayîşî: Heleb Maye-Pî: Amune - Welîd Tarîx û Cayê Şehadetî: 31ê Gulana 2020 / Çelê

Embazê ma Kawa, Harûn û Brusk ê ke vera hêrişanê qirkerdişî yê serê şarê Kurdî verê xo da koyanê Kurdîstanî, sey temsîlkaranê xeta fedaîye û mîlatane bi tewirêkê tujî bedenê xo kerd sîper. Hemrayê  Kawa, Harûn û Brusk ê ke wayîrê tradîsyonê têkoşînê vejîyayî rayîrê ma roşn kerd û sey estareyan mîyanê şehîdanê ma yê bêmergan de cayê xo yo bianor girewt.

Sere de keyeyê hemrayanê ma Kawa, Harûn û Brusk ê ke tewrê kerwanê şehîdan bîyî, ma heme şarê xo yê welatperwerî yê Kurdîstanî rê serweşîye wazenê û soz danê ke ma do beyraqa ke şehîdanê ma yê qehremanan kiriştêne biresnê serekwtişî.''