Merkezê Îrtîbatî û Çapemenîye yê HPGyî nasnameyê 2 gerîlayanê ke 1ê temmuze de Herêmanê Pawitişî yê Medya de şerê vera artêşa tirke ya îşxalkere de şehîd bîyî,  pê eşkerayîyêke eşkera kerdî.

Eşkerayîya HPGyî wina ya:

''Ma eşkerayîya xo ya 4ê temmuze de dabi eşnawitene ke herêma Xakurkê ya Herêmanê Pawitişî yê Medya de warê Ermûşî de mabênê îşxalkeran û hêzanê ma de şer qewimîya. Nê şerî de îşxalkeran ro derbê giranî ameyî dayene û embazê ma Masîro û Şaho şehîd bîyî. Zanayîşê derheqê embazanê ma yê şehîdan de wina yê:

Nameyê Qodî: Masîro Botan Name û Peyname: Yunus Sert Cayê Bîyayîşî: Êlih Maye-Pî: Fatma-Fadil Tarîx û Cayê Şehadetî: 1ê Temmuza 2020î / Xakurkê

Nameyê Qodî: Şaho Caf Name û Peyname: Ako Şahmûradî Cayê Bîyayîşî: Ciwanro Maye-Pî: Xayil-Star Tarîx û Cayê Şehadetî: 1ê Temmuza 2020î / Xakurkê

Vera hêriş û plananê îşxalî yê dewleta tirke ya kolonyalîste yê serê Başûrê Kurdîstanî û pêro Kurdîstanî, embazê ma Masîro û Şahoyî pê rûhê fedayîyî vera dişmenan şer kerd. Embazanê ma Şaho û Masîro heta guleyê xo yê peyênî  vera hîşmendîya kolonyalîste ya dewleta tirke ya îşxalkere şer kerd. Her di zî hêrişê îşxalî yê vera Xakurkê de roja destpêke ra heta roja şehadetî pê îradeyêkê pîlî  û ruhê Rayber Apoyî vera dişmenan tewrê xoverdayîşê tarîxîyî bîyî.

Sere de keyeyanê ercîyayeyan ê embazanê ma Masîro û Şahoyî rê ma pêro şarê Kurdîstanî yê welatperwerî rê serweşîye wazenê. Ma soz danê ke ma do meşaleyê azadîye yê şehîdan pê rengê ercîyaye yê şehîdan biresnê serkewtişî. ''