Merkezê Îrtîbatî û Çapemenîye yê HPGyî bi eşkerayîyêke nasnameyê di şehîdan eşkera kerdî. Eşkerayîye wina ya:

''23yê tebaxa 2020î de warê Serhedî de hêrişê dişmenî de di embazê ma yê ercîyayeyî Cemîl Cîgerxwîn û Şervan Dirêj şehîd bîyî.

Embazanê ma Cemîl û Şervanî tewrbîyayîşanê xo ra heta peynî seba caardişê xeyalanê şehîdan têkoşîn kerd û ê bîyî milîtanêkê Apogîrî yê mîsalî. Embazanê ma Cemîl û Şervanî têkoşînê ma de pê keda xo estbîyayîşê xo mojna. Ma serrgêra şehadetê înan de embazê ma Cemîl û Şervanî bi rêz û minetî yad kenê. Ma sere de keyeyanê înan rê, pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Embazê ma Cemîl Makuyê Rojhelatê Kurdîstanî de dadîya xo ra beno. Embaz Cemîl cigêrayîşan ra dima PKKyî şinasneno û 2011 de tewrê refanê partîya ma beno. Embaz Cemîl tewrê xeylêk operasyonanê şorişgêran beno û pêro erk û mesuldarîyanê xo bêkêmasî ano ca. Embaz Cemîl 2017 de Akademîya Mazlûm Doganî de perwerde gêno. O wextêk kadroyanê serkêşan reyde erkê pawitişî û xebatanê bînan keno. O waştişê xo ser o derbazê Serhedî beno û tîya de zî bi serkewtişî têkoşîn keno. 

Embaz Şervan Bedlîs de dadîya xo ra beno. Embaz Şervan cigêrayîş û prosesanê fikirîyayîşî ra dima bi qerardarî pa 7 embazanê xo Wan de 2012 de verê xo dano koyan û beno gerîla. Embaz Şervan rêçê dezayê xo yê şehîdî de şino. O Botan de bi aktîfî mîyanê xebatan de cagêno. O 2013 de derbazê Herêmanê Pawitişî yê Medya beno. Embaz Şervan tim pêro erk û mesuldarîyanê xo bêkêmasî ano ca. Embaz Şervan Serhed de zî tim bi hawayêkê aktîfî têgêreno û beno milîtanêko Apogîr o serkêş.''