Merkezê Îrtîbatî û Çapemenîye yê HPGyî pê eşkerayîyêke nasnameyê 2 gerîlayan eşkera kerdî.

Eşkerayîye wina ya:

''8ê gulana 2021î de warê Deşta Xane yê qezaya Çelê yê Colemêrgî de bombardumanê dewleta tirke ya qirkere de embazê ma Mizgîne Berçem û Bahoz Cîlo şehîd bîyî. Nasnameyê embazanê ma yê şehîdan wina yê:

Menga gulane de ke menga şehîdan a ma pê şehadetê embazanê xo zêdêr nêzdîyê serkewtişî benê. Embazê ma yê şehîdî caardişê têkoşînî, bingeyê paradîgmaya Rayber Apoyî yê. Sîstemê modernîteya kapîtalîste û hemkarê ci pê tasfîyeya PKKyî wazenê derbê bidê komelî ro. Vera nê hêrişan seba serkewtişê şarê ma çar hetanê Kurdîstanî ra ciwanî ver bi partîya ma herikîyenê. Embazê ma Mizgîne û bahoz zî tewrê nê xoverdayîşê heybetînî bîyî û şerê vera dewleta qirkere de bîyî rayberê têkoşînê destanî.

Embaze Mizgîne Berçen Wan de dadîya xo rabîye û seba têkoşînê azadîye tewra gerîlayan bîye. Embaze Mizgîne seba famkerdişê îdeolojîya Rayberîye xeylêk xîret kerd û pê tewirê xo yê cinîya kurde embazanê xo rê bîye mîsal. Embaze Mizgîne Cîlo de xeylêk çalakîyan de tewr vernî de ca girewt û nêverda ke dişmen bikewo erdê fîrazî.

Embaz Bahoz Agirî de dadîya xo ra bi û vera asîmîlasyonê dewlete metropolan ra tewrê têkoşînê koyan bi. Embaz Bahozî tim pê zerrînizmîya xo bale ante xo ser û tim waşt bi hawayêkê aktîfî têkoşîn de tewr vernî de ca bigêrê. Embaz Bahozî meşaleya azadîye ya serewedarnayoxanê Agirî dewr girewte û tewrê kerwanê şehîdan bi.

Seba ke meşaleya azadîye ya ke ma Mizgîne û Bahozî ra girewte koyanê Agirî û Cîloyî de geş biba ma do tim bi her hawayî têkoşîn bikerê. Ma sere de keyeyanê ercîyayeyan ê şehîdanê xo rê pêro şarê welatperwerî yê Kurdîstanî rê serweşîye wazenê.''