Merkezê Îrtîbatî û Çapemenîye yê HPGyî nasnameyê 2 gerîlayanê ke Dêrsim de şehîd bîyî eşkera kerdî. Eşkerayîye wina ya:

''Destpêkê menga gulane de waranê Yasak û Gelîya Salî yê Dêrsimî de wextê operasyonanê dişmenî de mabênê komêka ma û hêzanê dişmenî de şer qewimîya. Embazanê ma Ardil, Firat û Îsyanî heta fîşekê xo yê peyênî şer kerd û semedo ke nêkewê destê dişmenî xo ser de bomba teqnaye şehîd bîyî. Sey bi seyan dêrsimijanê ke wextê Terteyê Dêrsimî yê 1938î de semedo ke nêkewê destê dişmenî xo zinaran ra eşt embaz Ardile, Firat û Îsya zî wayîrê nê kulturê xoverdayîşî vejîyê û tarîx de sey fedayîyanê Apogîran cayê xo girewtî. Nasnameyê embaz Îsyanî dima ke eşkera bibo bêro parekerdene.

Nasnameyê embaze Ardile û embaz Firatî wina yê:

Nameyê Qodî: Ardile Poyraz Name û Peynama: Buşra Cayê Bîyayîşî: Êlih Maye-Pî: Hafsate-Îzzettîn Tarîx û Cayê Şehadetî: Gulana 2021î / Dêrsim

Nameyê Qodî: Firat Erkendî Name û Peynama: Ramazan Bayav Cayê Bîyayîşî: Adana Maye-Pî: Sakîne-Ubeyt Tarîx û Cayê Şehadetî: Gulana 2021î / Dêrsim

Embaze Ardile êlih de dadîya xo ra bîya. A ciwanîya xo de tewra xebatanê partîye bîye. Embaze Ardile bire daye ke azadîya şarê kurdî pê têkoşînê koyan visîyena destî û 2011 de tewra gerîlayan bîye. Embaze Ardile cade xeta PKK û PAJKî de xorin bîye, xeylêk cayan de gerîlatîye kerde û dima derbazê herêma Dêrsimî bîye. Aye çalakîyanê tewr serkewteyan de vernî de ca girewt. A koyanê Dêrsimî de bîye mîsalêka xurte ya milîtana cinîye. Embaze Ardile vera vengdayîşê teslîmîyetî yê dişmenî heta fîşekê xo yê peyênî şer kerd û wexto ke cebilxaneyê ci qedîya xo ser de bomba teqnaye. A pê felsefeya Rayber Apoyî bîye Bêrîtanêke û cewabo mehqûl da dişmenî. Têkoşînê embaze Ardile do tim rayîrê ma roşnî bikero.

Embaz Firat Adana de dadîya xo ra bîyo. Embaz Firatî vera polîtîkayanê gemarinan ê dewleta tirke ya îşxalkere 2014 de tewrê gerîlayan bi. Embaz Firat her war de tewrbîyayîşêko xurt mojna. O pê kesayetê xo bi mazharê heskerdişanê embazanê xo. Embaz Firatî tim xo rê xeta Rayberîye kerde esas û nê esasî ser o têkoşîn kerd. Embaz Firatî pê xoverdayîşî cewab da vengdayîşê teslîmîyetî yê dişmenî. Ey semedo ke nêkewo destê dişmenî xo ser de bomba teqnaye û şehîd bi. Bi nê hawayî embaz Firatî xeta xoverdayîşî ya ciwananê kurdan eşkera kerde. Ma do tewir û şerê embaz Firatî xo rê tim sey mîsalî bigêrê û bikerê bingeyê serfîrazîye.

Embaz Ardil û Firat bîyî temsîlkarê nikayênî yê dersê xoverdayîşî yê ke şarê Dêrsimî se serrî verî dabi qirkeran. Ma sere de eşîranê Erkendî û şarê Êlihî rê pêro şarê welatperwerî yê Kurdîstanî rê serweşîye wazenê.''