Merkezê Îrtîbatî û Çapemenîye yê HPGyî pê eşkerayîyêke nasnameyê 2 gerîlayanê ke Mêrdîn de şehîd bîyî eşkera kerdî.

Eşkerayîya HPGyî wina ya:

''Ma eşkerayîya xo ya 10ê hezîrane de dabi eşnawitene ke 4ê hezîrane operasyonê artêşa TCyî ya îşxalkere de qezaya Omerîyanî ya Mêrdînî de embazê ma Baz û Kawa şehîd bîyê.

Zanayîşê derheqê nasnameyanê embazanê ma de wina yê:

Nameyê Qodî: Baz Mordem Torî Name û Peyname: Halîl Yıldırım Cayê Bîyayîşî: Êlih Maye-Pî: Hanîfe – Tahîr Tarîx û Cayê Şehadetî: 4ê Hezîrana 2020î / Mêrdîn

Nameyê Qodî: Kawa Dogan Name û peyname: Serkan Tutak Cayê Bîyayîşî: Mêrdîn Maye-Pî: Hasîna – Abdulbakî Tarîx û Cayê Şehadetî: 4ê Hezîrana 2020î / Mêrdîn

Embazanê ma Kawa û Bazî 4ê hezîrane de kerwanê bêmergan de cayê xo girewt. Embazanê ma rixmê teknîk û hêrişanê dişmenan helêke zî teredut nêkerd xoverdayîşêko destanwarî ard ca û derbê giranî dayî dişmenan ro. Artêşa TCyî ya îşxalkere wextê operasyonî de pê ruhê milîtanî yê Rayber Apoyî bi hawayêkê giranî bin kewte. Embazanê ma yê ke vera dişmenan gamêke zî apey nêeşte bi hawayêkê çêrî şer kerd û ê resayî şehadetî. Embazanê ma pê xoverdayîşê xo cewabo tewr rind da îşxalkeran.

Her çiqas dewleta TCyî ya kolonyalîste pê medyaya hawuzî kena ke raştîyan binimna vera gerîlayan de şansê ci çin o. Xoverdayîşê embazanê ma Baz û Kawayî na raştîye reyna mojnaye. Gerîlayê azadîye mîyanê pêro şert û mercan de zî reyna do kurdan û Kurdîstan bipawê û îşxalkeran rê cewab bidê.

Nê esasî ser o ma sere de keyeyanê erjîyayeyan ê embazanê ma Baz û Kawayî rê pêro şarê Kurdîstanî yê welatperwerî rê serweşîye wazenê. Ma soz danê ke ma do wayîrê xoverdayîşê embazanê xo vejîyê û têkoşînê înan biresnê serkewtişî.''