Merkezê Îrtîbatî û Çapemenîye yê HPGyî  bi eşkerayîyêke da zanayene ke Cîlo de peynîya adare de operasyonê vera gerîlayanê ke pozîsyonê xopawitişî de bîyî de gerîlayî Raperîne, Rêvane û Botan şehîd bîyê.

Eşkerayîye wina ya:

''28-29ê adara 2023yî de warê Alantusî yê Cîloyî de wexto ke hêzê ma çarçewa bira têgêrayîşê ma de pozîsyonê xopawitişî de bîyê, artêşa tirke ya îşxalkere operasyonêk kerd û operasyon de embazê ma Raperîne, Rêvan û Botan şehîd bîyî.

Nê pêkewtişan de kesêk zî hetê dişmenî ra ame esîrkerdene. Embazê ma Raperîne, Rêvane û Botan heta peynîye temsîlkarîya milîtanîya Apogîre kerde, wayîrê mîrasê şehîdan vejîyayî. Înan nê prosesê tarîxîyî de milîtanîya Apogîre raşt kerde û embazanê xo rê xeta têkoşînê raştî mojnaye. Sere de keyeyanê ercîyayeyan ê embaze Raperîne, Rêvane û Botanî rê, pêro şarê welatperwerî yê Kurdîstanî rê serweşîye wazenê. Ma soz danê ke xeta xoverdayîşî de têkoşînê şehîdan pê serkewtişî tacîdar bikerê.

Nasnameyê embazanê ma yê şehîdan wina yê:

Nameyê Qodî: Raperîne Botan Name û Peyname: Dîcle Omer Cayê Bîyayîşî: Dêrîk Maye-Pî: Şohrete – Huseyîn Tarîx û Cayê Şehadetî: 29ê Adara 2023yî / Cîlo

Nameyê Qodî: Rêvane Suruç Name û Peyname: Peyame Demîr Cayê Bîyayîşî: Riha Maye-Pî: Ferîde – Mehmet Tarîx û Cayê Şehadetî: 29ê Adara 2023yî / Cîlo

Nameyê Qodî: Botan Êrîş Name û Peyname: Mahmut Tekîn Cayê Bîyayîşî: Amed Maye-Pî: Edîbe – Mehmet Şehadet Tarihi ve Yeri: 29 Mart 2023 / Cîlo

 

Embaze Raperîne Dêrika Hemkoyî de dadîya xo ra bena. Embaze Raperîna ke keyeyê ci tim gerîlayan rê meymandarîye kerdêne, 2013 de xeyalê xo ana ca û tewra gerîlayan bena. A Garê û Qendîlî ra dima 2014 de derbazê Cîloyî bena û tîya de heta 2019î YJA-Starî temsîl kena. A rixmo ke zaf reyî bi giranî bena birîndar zî têkoşînî ra fek vera nêdana. Embaze Raperîne dima Akdemîya Şehîde Bêrîtane de perwerde vînena. Perwerdeyî ra dima 2020 de a reyna şina Cîlo la narey fermandarîye kena. A pê kesayetê xo bena mazharê heskerdiş û hûrmetê pêro embazanê xo û nê prosesê tarîxî de vera hêrişanê dişmenî bena cewab.

Embaz Botan mîyanê keyeyêkê êlihijî de Amed de dadîya xo ra beno. Embaz Botan wextê Şorişê Rojawanî de bi qerardarî verê xo dano koyan. Embaz Botan heta şehadetê xo Zagrosan de maneno û tîya de perwerde vîneno. Embaz Botan tewrê xeylêk çalakîyan beno, derbanê giranan dano dişmenî ro. Embaz Botan dima perwerde vîneno û sey fermandarêkî wezîfe keno. O 2022 de reyna derbazê Cîloyî beno. Embaz Botan heta şehadetê xo, xo ver dano.

Embaze Rêvane Pirsûsê Riha de dadîya xo ra bena. Embaze Rêvane 2015 de vengdayîşê Rayberîye ser o derbazê Kobanê beno û vera DAÎŞî şer kena. Dima ke DAÎŞ yeno binvistene 2017 de embaze Rêvane zî tewra gerîlayan bena û derbazê Metîna bena. A 2019 de derbazê Zapî bena. A 2020 de derbazê warê Cîloyî bena û tîya de tewirêkê fedakarî mojnena. Embaze Rêvane heta nefesê xo yê peyênî bi çêrî şer kena.''