Merkezê Îrtîbatî û Çapemenîye yê HPGyî bi eşkerayîyêke nasnameyê 3 şehîdan eşkera kerdî. Eşkerayîye wina ya:

''26ê temmuza 2023yî de warê Bilbêsî yê qezaya Elkê yê Şirnexî de di unsuranê bi nameyê Baran û Dîlpakî xayînîye kerde û xo dişmenî rê teslîm kerd. Artêşa tirke bi agahîyanê nê wird unsuran operasyonêk da destpêkerdene û 27ê temmuze de warê Betkarî yê qezaya Elkê yê Şirnexî de komêka embazanê ma daye bombayan ver. Dişmen rixmo ke destê ci de agahîyê qetîyî est bîyê nêeftara bêro serê embazanê ma û ancax bombardumanî ra dima nêzdîyê warî bi. Netîceya nê bombardumanan de embazê ma Yusuf Pîrosî, Tekoşer Pêncewîn û Zerdeşt Îsyan şehîd bîyî.

Embazê ma Yusuf 33 serran mîyanê têkoşînê ma de cagirewt û pêro erk û mesuldarîyê xo bi qerardarî ardî ca. Kedê ey do pêro embazanê ma rê bibê nimûne û qetî vîrî ra nêşorê. Embazê ma Tekoşer û Zerdeşt zî hema ciwanîya xo de tewrê têkoşînî bîyî.

Ma zaf kewtê verî ke nê embazê ma netîceya xayînîye de hêrişêkê namerdî de şehîd bîyê. Reyna qetî bîyo ke heta ke xeta xayînîye nêra çinkerdene rayraşîyayîşê serkewtişî do bi netîce nêbo. Ma ancî soz danê pêro şehîdan ke vera xayînan û xayînîye hîna bi qetî û bi tûjî vinderê û netîce bigêrê. Xeta xayînan û xayînîye qetî do nêra efûkerdene û hesab do bêro persayene.

Ma sere de keyeyanê şehîdanê xo yê ercîyayeyan rê, şarê Mexmûr û Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Embazê ma Yusuf Elkê de dadîya xo ra beno. Embaz Yusuf heta 1994î milîsîye keno û dima tepişîyeno û zîndan de maneno. Dima ke zîndanî ra vejîyeno tedayan ra keyeyê xo reyde koçê Kampa Mexmûrî keno. Embaz Yusuf wextêk reyna milîsîye keno û dima tewrê gerîlayan beno. Embaz Yusuf nê 33 serran de tim bi qerardarî û bawerî têgêreno û pêro erk û mesuldarîyanê xo ano ca. Ma do qetî armancanê ey bîyarê ca.

Embaz Têkoşer Mêrdîn de dadîya xo ra beno. O 2014 de tewrê gerîlayan beno û vera DAÎŞî û EL Nûsra şer keno. Dima sey fermandarêkî agêreno koyan û Botan de têkoşînî rê dewam keno. Embaz Têkoşer esasê Şerê Şarî yê Şorişgêrî de têgêreno û beno wayîrê tewrbîyayîşêkê ercîyayeyî. Ey tarîxê şarê ma yê rûmetênî de pê şehadetê xo cayê xo girewt.

Embaz Zerdeşt  keyeyêkê botanijî de Adana de dadîya xo ra beno. O 2013 de tewrê gerîlayan beno û 2014 de Rojawan de vera DAÎŞî û cerganê bînan şer keno. 2015 de ver bi Dêrsimî keweno rayîr la tepişîyeno. O serrêk zîndan de maneno û dima ke zîndanî ra vejîyeno verê xo dano Heftanînî. O Heftanîn de derbanê giranan dano dişmenî ro û dima Botan de erk keno. Embaz Zerdeşt Botan de netîceya xayînîye de şehîd beno.''