HPGyî nasnameyê 3 şehîdan eşkera kerdî û vat: ''Embazanê ma Dilgeş, Berxwedan û Mervanî ruhê xoverdayîşî yo Apogîro ke Zapî ra heta Mêrdînî, Garzanî ra heta Amedî berz beno, heta nefesê xo yê peyênî temsîl kerd.''
Merkezê Îrtîbatî û Çapemenîye yê HPGyî nasnameyê 3 şehîdan eşkera kerdî. Eşkerayîye wina ya:
''26ê tebaxa 2023yî de qezaya Farqînî ya Amedî de embazê ma û milîtanê serkêşî Dilgeş, Berxwedan û Mervan şehîd bîyî. Embazanê ma Dilgeş, Berxwedan û Mervanî ruhê xoverdayîşî yo Apogîro ke Zapî ra heta Mêrdînî, Garzanî ra heta Amedî berz beno, heta nefesê xo yê peyênî temsîl kerd.
Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke do bibê layîqê têkoşînê şehîdan û bi na hişmendî têkoşînê înan bi serkewtişî tacîdar bikerê.
Nasnameyê embazanê ma yê şehîdan wina yê:
|
|
Nameyê Qodî: Dilgeş Zîlan Gûzereş Name û Peyname: Ferhat Akdenîz Cayê Bîyayîşî: Colemêrg Maye-Pî: Meryeme – Omer Tarîx û Cayê Şehadetî: 26ê Tebaxa 2023yî / Amed |
|
|
Nameyê Qodî: Berxwedan Farqîn Name û Peyname: Hanîfî Saygi Cayê Bîyayîşî: Amed Maye-Pî: Fatma – Cemîl Tarîx û Cayê Şehadetî: 26ê Tebaxa 2023yî / Amed |
|
|
Nameyê Qodî: Mervan Wan Name û Peyname: Muhterem Koç Cayê Bîyayîşî: Wan Maye-Pî: Siyanale – Ahmet Tarîx û Cayê Şehadetî: 26ê Tebaxa 2023yî / Amed |
Embaz Dilgeş Colemêrg de dadîya xo ra beno. O hêverî xebatanê ciwanan de cagêno û 2010 de tewrê gerîlayan beno. Embaz Dilgeş Xakurkê de gerîlatîye keno, derbazê Zagrosan beno û dima vera DAÎŞî Rojawan de şer keno. Embaz Dilgeş Garê û Heftanîn de zî pratîkêkê serkewteyî mojneno. Dima o Amed de erk keno. Embaz Dilgeş Amed de derbanê giranan dano dişmenî ro û peyê xo de mîrasêkê pîlî verdeno.
Embaz Berxwedan mîyanê keyeyêkê botanijî yê koçerî de Amed de dadîya xo ra beno. O hêverî xebatanê milîsîye keno û 2013 de şehadetê kekê xo ra dima tewrê gerîlayan beno. O Metîna de pratîk keno û dima xebatanê taybetan gêno xo ser. O Akademîya Şehîd Îbrahîmî de perwerde vîneno û dima derbazê Amedî beno. Embaz Berxwedan pêkewtişanê 26ê tebaxe de bi fedayîtî şer keno û şehîd beno.
Embaz Mervan Wan de dadîya xo ra beno. O hêverî xebatanê ciwanan de cagêno û dima Wan de tewrê gerîlayan beno. Embaz Mervan Wan de gerîlatîye pratîze keno, dima wareyanê Feraşînî ra heta koyanê Kato Marînosî şer keno. O 2016 de beno şahîdê çalakîya fedayî ya Xebat Aktepeyî. 2017 de o birîndar beno la rixmê ney zî têkoşînî rê dewam keno. Perwerdeyê Akademîya Hakî Karerî ra dima o derbazê Amedî beno û tîya de sey qehremanêkî şehîd beno.''
