Merkezê Îrtîbatî û Çapemenîye yê HPGyî nasnameyê 3 gerîlayanê ke Şirnex de şehîd bîyî eşkera kerdî û nê vatî:

''Ma eşkerayîya xo ya 27ê hezîrane de dabi zanayene ke Operasyon îşxalî yê dewleta tirke yê vera warê Masîro yê  herêma Besta ya Şirnexî de herême bi teyarayanê şerî û helîkoteranê hêrişî ameye bombardumankerdene. Nê operasyonî de hemeraya ma fermandare Sarya Besta û hemrayê ma Vejîne û Avareş şehîd bîyî.

Embazê ma yê ke şehîd bîyî nasnameyê înan wîna yê:

''Hemraya ma Sarya Besta ya ke 1990 de Colemêrg de ameya dinya serranê xo yê ciwanîye de têgêrayîşê azadîye yê Kurdîstanî nas kerd û 2005 de verê xo da koyan azadan. Hemraya Sarya bi tecrubeyê xo yê leşkerî û zanayîşê xo yê xurtî bîye fermandarêka sereke ya YJA Starî. Hemraya Sarya ke roja tewrbîyayîşî ra heta hela peyêne vera îşxalê dişmenî bi hîssê qesasî şer kerd, heme wezîfeyê xo bi serkewtiş ardî ca.

Hemraya ma Vejîne Agir keyeyêko welatperwer ê Wanî de ameya dinya û bi naskerdişê têgêrayîşê azadîye bîye pîle. Hemraya Vejîne ke bi karekterê xo yê xoverdayoxî ameyêne naskerdene  2014 de tewrê sefanê gerîlayan bîye û Botan de aktîf têkoşîn rayra berd. Hemraya Vejîna ke heta şehadetê xo helêke zî nêvinderte sey fermandarêka YJA Starî têkoşînî rê serekîye kerde.

Embazê ma Avareş Helhelo  ke 1997 de qezaya Hezro ya Amedî de ameyo dinya dima ke xebatê ciwanîyî rayra berdî û raştê zextê dişmenî ame serra 2015î de tewrê sefanê gerîlayan bi.  Embaz Avareşî demo kilmî de xo resna û keda pîle daye. Hemra Avareşo ke heta şehadetê xo bi fedakarîye têkoşîn kerd zerîya embazanê xo de cayêko xorî girewt.

Ma vanê wa sere de sereyê keyeyanê embazanê ma yê ke resayê şehadet, sereyê heme şarê ma yê welatperwerî weş bo û ma soz danê heta ma waştişanê şehîdanê xo bica bîyarê ma do mucadeleyê xo bidomnê.''