HPGyî nasnameyê 4 gerîlayan eşkera kerdî
HPGyî nasnameyê 4 gerîlayanê ke Metîna û Garê de şehîd bîyê eşkera kerdî û vat: ''Ma ancî soz danê ke têkoşînê şorişgêrî yê embazanê şehîdan qetî bivisnê serfîrazîye.''
Merkezê Îrtîbatî û Çapemenîye yê HPGyî nasnameyê 4 gerîlayanê ke Metîna û Garê de şehîd bîyê eşkera kerdî. Eşkerayîye wina ya:
''Ma eşkerayîya xo ya 10ê gulana 2021î de dabi eşnawitene ke 9ê gulana 2021î de Girê Şehîd Çîyayî yê Metîna de vera îşxalkeran çalakîya dekewtişê mîyanî amebî kerdene û na çalakîye de 6 îşxalkerî ameybî cezakerdene û embazanê ma Çekdar Ronahî û Kurtay Agît na çalakîye de bi çêrî şer kerbi û şehîd kewtbi. Nasnameyê embazanê ma yê şehîdan wina yê:
|
|
Nameyê Qodî: Çekdar Ronahî Name û Peyname: Muhammed Ocaklik Cayê Bîyayîşî: Amed Maye-Pî: Gulserene – Necat Tarîx û Cayê Şehadetî: 9ê Gulana 2021î / Metîna |
|
|
Nameyê Qodî: Kurtay Agît Name û Peyname: Muhammed Kiliç Cayê Bîyayîşî: Colemêrg Maye-Pî: Sakîne – Haydar Tarîx û Cayê Şehadetî: 9ê Gulana 2021î / Metîna |
Ma eşkerayîya xo ya 10ê gulana 2021î de dabi zanayene ke 9ê gulane de warê Meyrokê yê Garê dîyabi bombayan ver û nê bombardumanî de embazê ma Çîya Heftanîn şehîh bi. Nasnameyê embazê ma yê şehîdî wina yo:
|
|
Nameyê Qodî: Çîya Heftanîn Name û Peyname: Veyso Îsa Cayê Bîyayîşî: Kobanê Maye-Pî: Fatma – Adnan Tarîx û Cayê Şehadetî: 9ê Gulana 2021î / Garê |
21ê gulana 2021î de saete 17.00 de Metîna de embaza ma Asmîne Vîndar wexto ke wezîfeyê xo ser bi netîceya bombardumanêkî de şehîd bîye. Nasnameyê embaza ma ya şehîde wina yo:
|
|
Nameyê Qodî: Asmîne Vîndar Name û Peyname: Mîhrîbane Sertkaya Cayê Bîyayîşî: Mêrdîn Maye-Pî: Vehbîye – Îsmail Tarîx û Cayê Şehadetî: 21ê Gulana 2021î / Metîna |
Embaz Çekdar Amed de dadîya xo ra bi û 2015 de tewrê gerîlayan bi. Embaz Çekdar netîceya xîret û perwerdeyî de bi gerîlayê modernîteya demokratîke. Embaz Çekdarî pê hîşmendîya Apogîre û perwerîya şehîdan tim cephe de tewr vernî de ca girewt. Embaz Çekdar pê xoverdayîşê xo yê vera îşxal û hêrişan ma rê bi mîsalêk.
Embaz Kurtay Gever de dadîya xo ra bi û serra 2014î de tewrê gerîlayan bi. Embaz Kurtayo ke wextêkê dergî ra nata Metîna de tim pê pratîkê xo wezîfe kerdêne çalakîyanê pîlan ê vera artêşa îşxalkere de rayberîye kerde. Embaz Kurtay pê ruhê fedayî yê Apogîrî tim sey fermandarêkê mîsalî yê Hemleya Cebgê Xabûrî do bêro vîrardene.
Embaz Çîya Kobanê de dadîya xo ra bi û Şorişê Rojawanî ra dima tewra gerîlayan bi. Embaze Çîya vera faşîzmê DAÎŞî verê xo da Şingalî û wextê hêrişanê vera Heftanînî de zî bêteredut verê xo da warê Heftanînî. Embaz Çîya cayê wezîfeyê xo yê peyênî de Garê de tewrê karwanê şehîdan ê bêmergan bi.
Embaze Asmîne Mêrdîn de dadîya xo ra bîye û 2009 de tewra têkoşînê azadîye bîye.Embaze Asmîne Metîna, Qendîl, Zap û Zagrosan de xo pratîze kerd û sey fermandarêka YJA-Starî wezîfeyê girîngî ardî ca. Embaze Asmîne Hemleya Şorişgêre ya Cengê Heftanînî de ca girewt û rayberîya xeylêk çalakîyan kerde. Embaze Asmîne pê tewirê xo xeta fermandarîye ya YJA-Starî temsîl kerde.
Sere de keyeyanê ercîyayeyan ê embazanê ma Çekdar, Kurtay, Asmîne û Çîyayî rê ma pêro şarê welatperwerî yê şarê Kurdîstanî rê serweşîye wazenê. Ma ancî soz danê ke têkoşînê şorişgêrî yê embazanê şehîdan qetî bivisnê serfîrazîye.''
