Merkezê Îrtîbatî û Çapemenîye yê HPGyî bi eşkrayîyêke da zanayene ke Endama Fermandarîya Eyaletê Xakurkê Ronahî Tendurek û 5 gerîlayê YJA-Starî  29ê çeleyê 2018î de hêrişê dewleta tirke ya îşxalkere de şehîd bîyê.

Eşkerayîye wina ya:

''Ma şehîdanê xo yê Xakurkê bi rêzdarî yad kenê!

29ê çeleyê 2018î de hêrişê dişmenî yê vera Herêmanê Pawitişî yê Medya de Endama Fermandarîya Eyaletê Xakurkê Ronahî Tendurek û 5 gerîlayê YJA-Starî Pervîne, Derya, Dîlane, Rewşene û Destane şehîd bîyî.

Embaza ma Ronahî 26 serran mîyanê têkoşînê azadîye de xeylêk serkewteyî vistî destî û bîye layîqa temsîlkarîya nasnameyê cinîya azade. Aye sey fermandarêka YJA-Starî serkêşîyêka bêqusire kerde. Embazê ma Pervîne, Derya, Dîlane, Rewşene û Destane zî sey embaze Ronahî tim bi qerardarî û bawerî bîyî milîtanê PKK-PAJKî yê nimûneyî.

Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke heta ke xeyalê 'Rayberîya Azade, Kurdîstanê Azadî' yê embazanê xo bîyarê ca dewaya xo ya azadîye rê dewam bikerê.

Nasnameyê embazanê ma yê şehîdan wina yê:

Nameyê Qodî: Ronahî Tendurek Name û Peyname: Şukrane Çîftçî Cayê Bîyayîşî: Agirî Maye-Pî: Zerîfe – Mûsa Tarîx û Cayê Şehadetî: 29ê Çeleyê 2018î / Xakurkê

Nameyê Qodî: Pervîne Viyan Name û Peyname: Roya Tendurist Cayê Bîyayîşî: Urmiye Maye-Pî: Gulçîne – Halîs Tarîx û Cayê Şehadetî: 29ê Çeleyê 2018î / Xakurkê

Nameyê Qodî: Derya Denîz Name û Peyname: Jiyane Çelîk Cayê Bîyayîşî: Colemêrg Maye-Pî: Şemsî – Fikret Tarîx û Cayê Şehadetî: 29ê Çeleyê 2018î / Xakurkê

Nameyê Qodî: Dîlane Cûdî Name û Peyname: Canane Tatli Cayê Bîyayîşî: Şirnex Maye-Pî: Taybete – Îbrahîm Tarîx û Cayê Şehadetî: 29ê Çeleyê 2018î / Xakurkê

Nameyê Qodî: Rewşene Ekîn Zagros Name û Peyname: Sila Akyuz Cayê Bîyayîşî: Edene Maye-Pî: Hanîfe – Alî Tarîx û Cayê Şehadetî: 29ê Çeleyê 2018î / Xakurkê

Nameyê Qodî: Destane Denîz Name û Peyname: Kadere Akkaya Cayê Bîyayîşî: Wan Maye-Pî: Nuriye – Yilmaz Tarîx û Cayê Şehadetî: 29ê Çeleyê 2018î / Xakurkê

 

Embaza ma Ronahî Agirî de dadîya xo ra bena. A 1992 de Serhed de tewra gerîlayan bena. Embaze Ronahî îmkan vînena ke Rayber Apoyî bişinasna. Embaza ma Ronahî bi taybetî 1996 de Serhed de vera dişmenî çalakîyanê serkewteyan kena. A dima Herêmanê Pawitişî yê Medya de dest pê têkoşînî kena û derbazê Zapî bena. Embaze Ronahî 2000 de prosesê perwerdeyan ra dima Serhed de dest pê fermandarîye kena. A sey fermandarêke tim kedêka pîle dana û dima Akademîyanê Hakî Karerî û PAJKî de zî perwerde gêna. A bi xo Operasyonê Şorişgêrî yê Şehîde Rojîne Gewda de serkêşîye gêna xo ser.

Embaze Ronahî dima derbazê herêma Xakurkê bena. A bi taybetî 2015 de vera hêrişanê dişmenî performansêkê xurtî mojnena. A bi xo Xakurkê de amadekarîya çalakîyan kena û nê çalakîyan ana ca. Embaza ma Ronahî şer de sey temsîlkara îradeyê cinîyan û fermandara serkêşe rolêkê pîlî ana ca. Ma soz danê ke têkoşînî berz bikerê û vîrameyîşê embaze Ronahî bipawê.

Embaza ma Pervîne Urmîye de dadîya xo ra bena. A vera Komployê Mîyanneteweyîyî 9ê teşrîna verêne ya 2012î de tewra gerîlayan bena. Embaza ma Pervîne sey şerwanêka YJA-Starî bi aktîfî tewra xebetan bena.

Embaza ma Pervîne  Dibistana Operasyonî ya Şehîd Mehmet Goyîyî de perwerde vînena. A Şemzînan de Hemleya Şerê Şarî yê Şorişgêrî de derbanê giranan dana dişmenî ro. Embaza ma Pervîne heta şehadetê xo zî Herêmanê Pawitişî yê Medya de têkoşînêkê bêhempayî kena.

Embaza ma Derya Colemêrgî de dadîya xo ra bena. Embaze Derya Qirkerdişê Roboskî ra dima bi hêrs û hîsê qesasî tewra gerîlayan bena. A embazanêka jîhate, jîre û destsivike bena. A Xakurkê de tim xeta YJA-Starî-PAJKî de têkoşîn kena û nasnameyê cinîya azade temsîl kena. Embaze Derya qetî hedef û armancanê xo ra tawîz nêdana û seba Kurdîstanê azadî têkoşîn kena. Embaze Derya nê oxirî de bena şehîde.

Embaze Dîlane Şirnex de dadîya xo ra bena. Embaze Dîlane hema domanîya xo de wazena ke biba gerîla û ciwanîya xo de verê xo dana koyan. A bi coş û kelecanî gerîlatîye kena û vera zulmê dişmenî bi xurtî têkoşîn kena. Embaze Dîlane kena ke sey milîtanêka YJA-Starî tim hêrişanê dişmenî bişikna. Embaze Dîlane Xakurkê de bena wayîra rayraşîyayîşêkê qerardarî û bi nê hawayî şehîd bena.

Embaza ma Rewşene Şirnex de dadîya xo ra bena. A bi tesîra gerîlayanê ke şinasnena bi bawerî û eşqê azadîye verê xo dana koyan û bena gerîla. A wextêk Amed de gerîlatîye kena, dima zî Xakurkê de perwerde gêna. Embaze Rewşene tewra Operasyonê Şorişgêrî yê Şehîde Rojîne Gewda bena. A Xakurkê de zî pratîkêkê serkewteyî mojnena ra û pêro mesuldarîyan û erkanê xo bêkêmasî ana ca.

Embaza ma Destane Wan de dadîya xo ra bena. Embaze Destana ke domanîya xo de rîyê dişmenî dîyo vera ferzkerdişanê dişmenî bê teredutî tewra gerîlayan bena. Embaze Destane Xakurdkê de perwerde vînena û gerîlatîye kena. A Dibistana Operasyonê Şehîde Rojîne Gewda de perwerde vînena. Embaze Destane tim kena ke biba gerîlayêka YJA-Starî ya fedayîye û heta şehadetê xo seba ney xîret kena.''