Merkezê Îrtîbatî û Çapemenîye yê HPGyî bi eşkerayîyêke nasnameyê çar şehîdan eşkera kerdî. Eşkerayîye wina ya:

''8ê tebaxa 2022yî de herêma Garê de hêrişê dişmenî de Endama Fermandarîya Eyaletî ya Garê Norşîne Efrîn û embazê ma Zîlane Efrîn, Sîdar Serhed û Levent Qamişlo şehîd bîyî.

Fermandara ercîyaye û embaza ma Norşîne cuya xo ya gerîlatîya 22 serran de mîrasê xoverdayîşî yê Delal, Gulan û Zîlanan bi layîqî ard ca û sey fermandarêka serkêşe tarîxê têkoşînî de cayê xo girewt. Fermandara ma ya ercîyaye embaze Norşîne sey nimûneya perwerîya welatî, heskerdişê şarî û milîtanîya raşte do tim bêra yadkerdene.

Embazê ma Sîdar rêçê Gurbetellî Ersoz, Halîl Dag û Alî Kanîrojan de tradîsyonê çapemenîya azade ard ca, bêmabên têkoşîn kerd. Ma soz danê ke qelema ey erd de nêverdê.

Embaza ma Zîlane û embazê ma Levent zî do tim pê kesayetê xo yê kedkarî, erjê xo yê embazîye û têkoşînê xo verê ma roşnî bikerê û ma rê serkêşîye bikerê.

Ma serrgêra şehadetê înan de embazanê ma Norşîne, Sîdar, Zîlane û Levent bi rêz û minetî yad kenê. Ma sere de keyeyanê înan ê ercîyayeyan rê, pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Norşîne Efrîn Name û Peyname: Ferîhane Îsmaîl Cayê Bîyayîşî: Efrîn Maye-Pî: Kudrete – Emîn Tarîx û Cayê Şehadetî: 8ê Tebaxa 2022yî / Garê

 

Nameyê Qodî: Sîdar Serhed Name û Peyname: Celal Birdal Cayê Bîyayîşî: Agirî Maye-Pî: Guzele – Huseyîn Tarîx û Cayê Şehadetî: 8ê Tebaxa 2022yî / Garê

 

Nameyê Qodî: Zîlane Efrîn Name û Peyname: Ceylane Abdullah Cayê Bîyayîşî: Efrîn Maye-Pî: Fatîne – Ahmed Tarîx û Cayê Şehadetî: 8ê Tebaxa 2022yî / Garê

 

Nameyê Qodî: Levent Qamişlo Name û Peyname: Ahmed Silêman Cayê Bîyayîşî: Qamişlo Maye-Pî: Ranîa – Yasir Tarîx û Cayê Şehadetî: 8ê Tebaxa 2022yî / Garê

 

Embaze Norşîne Racoyê Efrînnî de dadîya xo ra bena. A destpêk de tewra xebatanê ciwanan bena û 2000 de tewra gerîlayan bena. Embaze Norşîne koyan de tim kesayetê cinîya azade temsîl kena. A Metîna ra heta Garê, Xinêrê ra heta Qendîlî, Zapî ra heta Avaşînî û Zagrosan ra heta Botanî gerîlatîye kena. A bi taybetî 2008 de Botan de çalakîyanê serkewteyan de cagêna. Herêmanê Pawitişî yê Medya de zî embaze Norşîne sey fermandarêka serkêşe pêro erk û mesuldarîyanê xo ana ca. Embaze Norşîne 22 serran sey milîtana fedayîye şer kena û ala xo ya têkoşînî teslîmê embazanê xo kena.

 

Embaz Sîdar Bazîdê Agirî de dadîya xo ra beno. O zanîngeh de tewrê xebatanê ciwanan beno û 2013 de vera hêrişanê DAÎŞî tewrê gerîlayan beno. O Garê û Xakurkê de gerîlatîye pratîze keno û derbazê Zapî beno. O beno fermandarêko ciwan û xebatanê çapemenîy azade de cagêno. Embaz Sîdar koyan de keno ke raştîya şerî û gerîlayan biresno şarê ma. Embaz Sîdar peyê xo de têkoşînêkê bêhempayî verdeno. 

Embaze Zîlane Efrîn de dadîya xo ra bena. A hêverî vera îşxalî Efrîn de şer kena û dima 2018 de verê xo dana koyan bena gerîla. Embaze Zîlane Garê de pratîkêkê serkewteyî ana ca û bena milîtanêka YJA-Starî ya  serkêşe. Embaze Zîlane tim xo rê xeta xoverdayîşî kena esas û pê kesayetê xo embazanê xo rê bena nimûne. Embaza ma Zîlane her ca de xeta PKK û PAJKî bi layîqî temsîl kena. Têkoşînê aye do tim verê ma roşnî bikera.

Embaz Levent Qamişlo de dadîya xo ra beno. Embaz Levent 2017 de Reqa de beno şahîdê xoverdayîşê vera cerganê DAÎŞî û bi tesîrê nê xoverdayîşî tewrê gerîlayan beno. O koyanê Garê de bi perwerdeyan xo aver beno û warê sabotajî de beno pispor. O tim pê têkoşînê xo embazanê xo rê zî beno çimeyê moral û hêzî. Embaz Levent koyanê Kurdîstanî xo rê keno ware û beno perwerê Rayberîye. ''