Merkezê Îrtîbatî û Çapemenîye yê HPGyî nasnameyê çar şehîdan eşkera kerdî. Eşkerayîye wina ya:

''24ê tebaxa 2023yî de herêma Xakurkê de hêrişanê dişmenî de embazê ma Rizgar, Gernas û Hêjar şehîd bîyî.

Nê embazanê ma sey milîtananê nimûneyan ê seba ciwananê Kurdîstanî tarîxê azadîye de cayê xo girewt. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke têkoşînê xo de vîrameyîşê înan pîl bikerê.

Nasnameyê embazanê ma yê şehîdan wina yê:

Nameyê Qodî: Rizgar Siwar Name û Peyname: Yadîn Bulut Cayê Bîyayîşî: Xarpêt Maye-Pî: Hatice – Alî Tarîx û Cayê Şehadetî: 24ê Tebaxa 2023yî / Xakurkê

Nameyê Qodî: Gernas Qendîl Name û Peyname: Kawa Mamo Cayê Bîyayîşî: Dirbesiyê Maye-Pî: Sacide – Ahmed Tarîx û Cayê Şehadetî: 24ê Tebaxa 2023yî / Xakurkê

Nameyê Qodî: Hêjar Bêkes Name û Peyname: Sîrûs Rasteqîz Cayê Bîyayîşî: Tîkab Maye-Pî: Amîne – Tofîq Tarîx û Cayê Şehadetî: 24ê Tebaxa 2023yî / Xakurkê

 

Embazê ma Rizgar Xarpêt de dadîya xo ra beno. 1992 de şehadetê kekê xo ra dima o bi xurtî tewrê xebatan beno. Embaz Rizgar 2015 de zî tewrê gerîlayan beno. O Xakurkê de gerîlatîye keno û tecrubeyanê girîngan visneno destî. Embazê ma derbanê giranan dano dişmenî ro. O pêro erk û mesuldarîyanê xo zî bêkêmasî ano ca.

 

Embazê ma Gernas Dirbêsiyê de dadîya xo ra beno. Embazê ma Gernas hêverî xebatanê Şorişê Rojawanî de cagêno û 2016 de zî verê xo dano koyan beno gerîla. O Xakurkê de gerîlatîyêka xurte keno û tim armanc keno ke xo hîna aver bero. Embazê ma Gernas keno ke bibo layîqê Rayber Apoyî û şehîdan û nê esasî ser o şehîd beno.

Embazê ma Hêjar şaristanê Tîkabî yê Rojhelatê Kurdîstanî de dadîya xo ra beno.  Embazê ma Hêjar cigêrayîşanê xo ra pey 2016 de bi qerardarî tewrê gerîlayan beno. Embazê ma Hêjar Qendîlî ra dima derbazê Xakurkê beno û tîya de xoverdayîş û têkoşînê xo visneno asta tewr berze. Embaz Hêjar bi ruhê milîtanî şino serê dişmenî û şehîd beno.

23yê tebaxa 2023yî de Xakurkê de hêrişanê dişmenî de embazê ma Sîncer Dehgulan bi giranî birîndar beno û rixmê mudaxeleyan zî 30ê tebaxe de şehîd beno. Embazê ma Sîncer bi nimûneyê fedakarî û qehremanîye. Ma sere de keyeyê ci yê ercîyayeyî rê pêro şarê Kurdîstanî rê welatperwerî rê serweşîye wazenê. Ma soz danê ke alaya şorişê şehîdan bivisnê leweyî.

Nasnameyê embazê ma Sîncerî wina yo:

Nameyê Qodî: Sîncer Dehgulan Name û Peyname: Namet Rizayî Cayê Bîyayîşî: Bîcar Maye-Pî: Meryeme– Abdullah Tarîx û Cayê Şehadetî: 30ê Tebaxa 2023yî / Xakurkê

Embazê ma Sîncer şaristanê Bîcarî yê Rojhelatê Kurdîstanî de dadîya xo ra beno. O hêverî xebatanê ciwanan de cagêno, dima zî 2016 de verê xo dano koyanê Kurdîstanî û beno gerîla. O Qendîl de perwerde gêno û tîya ra derbazê Xakurkê beno. Embaz Sîncer Xakurkê de bi fedakarî û qehremanî têgêreno, derbanê giranan dano dişmenî ro.''