HPGyî nasnameyê çar şehîdan eşkera kerdî
HPGyî nasnameyê çar şehîdan eşkera kerdî û vat: ''Embazê ma Koçerîne, Botan, Rênas û Şevger bi tewirê xo, tewrbîyayîşê xo yê bêteredutî û xîretê têkoşînî bîyî milîtanê PKK û PAJKî yê nimûneyî.''
Merkezê Îrtîbatî û Çapemenîye yê HPGyî nasnameyê çar şehîdan eşkera kerdî. Eşkerayîye wina ya:
''15 û 17ê êlula 2023yî de hêrişanê vera Herêmanê Pawitişî yê Medya de embazê ma Koçerîne, Botan, Rênas û Şevger şehîd bîyî.
Embazê ma Koçerîne, Botan, Rênas û Şevger bi tewirê xo, tewrbîyayîşê xo yê bêteredutî û xîretê têkoşînî bîyî milîtanê PKK û PAJKî yê nimûneyî. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke mîyanê têkoşînê xo de vîrameyîşanê şehîdanê xo bipawê.
Nasnameyê embazanê ma yê şehîdan wina yê:
|
|
Nameyê Qodî: Koçerîne Rojîn Name û Peyname: Sabahate Guneş Cayê Bîyayîşî: Şirnex Maye-Pî: Marya – Hasan Tarîx û Cayê Şehadetî: 15ê Êlula 2023yî / Herêmê Pawitişî yê Medya |
|
|
Nameyê Qodî: Botan Cûdî Name û Peyname: Omer Kulter Cayê Bîyayîşî: Şirnex Maye-Pî: Meryeme – Mahmut Tarîx û Cayê Şehadetî: 15ê Êlula 2023yî / Herêmê Pawitişî yê Medya |
|
|
Nameyê Qodî: Rênas Sason Name û Peyname: Muhammer Ezneb Cayê Bîyayîşî: Maku Maye-Pî: Xanime – Qasim Tarîx û Cayê Şehadetî: 15ê Êlula 2023yî / Herêmê Pawitişî yê Medya |
|
|
Nameyê Qodî: Şevger Amed Name û Peyname: Îbrahim Halîl Yeşîldenîz Cayê Bîyayîşî: Amed Maye-Pî: Emîne – Huseyin Tarîx û Cayê Şehadetî: 17ê Êlula 2023yî / Herêmê Pawitişî yê Medya |
Embaza ma Koçerîne Şirnex de dadîya xo ra bena û 2013 de tewra gerîlayan bena. A wextêk warê Botanî de manena û dima derbazê Herêmanê Pawitişî yê Medya bena. Embaza ma Koçerîne wextê hêrişanê DAÎŞî de Mexmûr de erk kena û dima agêrena koyan. Embaza ma Koçerîne pêro waran de erk û mesuldarîyanê xo bêkêmasî ana ca û bena layîqa milîtanîya Rayber Apoyî. A bi kesayet û embazîya xo zî mazhara heskerdiş û hûrmetê embazanê xo bena.
Embazê ma Botan Şirnex de dadîya xo ra beno. O 2015 de tewrê Şorişê Rojawanî beno, vera cerganê DAÎŞî şer keno. Embaz Botan Şingal de zî vera DAÎŞî têkoşîn keno û dima ancî agêreno Rojawanî. Embaz Botan dima verê xo dano koyan. O sere de Metîna, Xakurkê û Xinerê xeylêk waran de têkoşîn keno û rixmo ke birîndar beno qetî nêvindeno. Embazê ma Botan nê têkoşînê xo yê qerardarî bi şehadetê xo tacîdar keno.
Embazê ma Rênas şaristanê Makuyî yê Rojhelatê Kurdîstanî de dadîya xo ra beno. O cigêrayîşan ra pey 2018 de tewrê gerîlayan beno. Embaz Rênas Xakurkê de hêverî erk keno û performansêkê serkewteyî mojneno. O xoverdayîşanê waranê Lêlikan û Bêrîtane de cagêno û derbanê giranan dano dişmenî ro. Embazê ma Rênas tunelanê şerî de bi xurtî têgêreno û qerardarîya xo bi xoverdayîşê xo eşkera keno.
Embazê ma Şevger qezaya Erxenî ya Amedî de dadîya xo ra beno. Embazê ma Şevger wexto ke zanîngeh de waneno bi qerardarî 2015 de verê xo dano koyan. O hêverî Besta de erk keno û dima derbazê Kobanê beno. Embazê ma 2018 de agêreno koyan û têkoşînê xo rê dewam keno. Embazê ma Şevger tim keno ke felsefeya Rayberîye de xo aver bero coka pêro xebatan de bi aktîfî têgêreno û mîyanê nê xîretan de şehîd beno.''
