Merkezê Îrtîbatî û Çapemenîye yê HPGyî nasnameyê hîrê şehîdanê Garzanî eşkera kerdî. Eşkerayîye wina ya:

''23yê teşrîna peyêne ya 2021î de Garzan de hêrişanê dişmenî de hemrayê ma  Şoreş, Tolhildan û Serhildan şehîd bîyî. Ma serrgêra şehadetanê înan de embazanê xo Şoreş, Tolhildan û Serhildanî bi rêzî yad kenê. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke vîrameyîşê şehîdanê xo mîyanê têkoşînê xo de bipawê.

Nasnameyê embazanê ma yê şehîdan wina yê:

             Şoreş Ronî – Erhan Mingsar

Nameyê Qodî: Şoreş Ronî

Name û Peyname: Erhan Mingsar

Cayê Bîyayîşî: Qers

Maye: Zelihane

Pî: Îsmet

Cayê Şehadetî: Garzan

Tarîxê Şehadetî: 23. 11. 2021

 

        Tolhildan Hîzan – Mahsum Yilmaz

Nameyê Qodî: Tolhildan Hîzan

Name û Peyname: Mahsum Yilmaz

Cayê Bîyayîşî: Bedlîs

Maye: Şehnaze

Pî: Abdulkerim

Cayê Şehadetî: Garzan

Tarîxê Şehadetî: 23. 11. 2021

 

          Serhildan Garzan – Vedat Aydin

Nameyê Qodî: Serhildan Garzan

Name û Peyname: Vedat Aydin

Cayê Bîyayîşî: Bedlîs

Maye: Lemane

Pî: Mehmet Emin

Cayê Şehadetî: Garzan

Tarîxê Şehadetî: 23. 11. 2021

Embaz Şoreş Qers de dadîya xo ra beno.  O hêverî xebatanê ciwanan de cagêno û dima zî 2009 de verê xo dano koyan, beno gerîla. O hêverî Xakurkê de erk kena. 2012 de tewrê Hemleya Şorişgêre ya Şemzînanî  beno. Embaz Şoreş 2015 de Akademîya Mahsum Korkmazî de perwerde vîneno û Zap de xebatan keno. Embaz Şoreş 2017 de bi kelecanî Garzan de erk gêno. Embazê ma Şoreş Garzan de serkêşîya çalakîyanê serkewteyan keno û heta şehadetê xo têkoşîn keno.

Embaz Tolhildan Bedlîs de dadîya xo ra beno. Embaz Tolhildan hêverî xebatanê ciwanan de cagêno û şehadetê merdimê ci Naîf Altunî ra dima 2014 de tewrê gerîlayan beno. O Garzan de dest pê têkoşînî keno. Embaz Tolhildan Garzan de tewrê xeylêk çalakîyan beno û derbanê giranan dano dişmenî ro. Embazê ma Tolhildan pêro erk û mesuldarîyanê xo bêkêmasî ano ca û tim keno ke têkoşînî pîl bikero. Embaz Tolhildan heta şehadetê xo nêvindeno û bi şehadetê xo bîyo layîqê xeta têkoşînî.

Embaz Serhildan Bedlîs de dadîya xo ra beno. Embaz Serhildan destpêk de tewrê xebatanê ciwanan beno. Embaz Serhildan 2014 de bi qerardarî verê xo dano koyan, beno gerîla. Embaz Serhildan 2015 de wextê hêrişanê dişmenî yê giranan de bi pêro hêzê xo tewrê çalakîyan beno û derbanê giranan dano dişmenî ro. Embaz Serhildan tim xo aver beno û pratîkêkê serkewteyî mojneno ra. Embaz Serhildan tim keno ke bibo layîqê Rayberîye û nê armancî ser o şehîd beno.''