HPGyî nasnameyê di şehîdan eşkera kerdî

HPGyî nasnameyê di gerîlayanê ke 2017 de şehîd bîyî eşkera kerdî û sozê serkewtişî newe kerd.

Merkezê Îrtîbatî û Çapemenîye yê HPGyî nasnameyê di şehîdan eşkera kerdî û nê vatî:

''Sera 2017î de vera hêrişê dewleta tirke Vakurî ra heta Başûrî gerîlayan her ca açarna warê xoverdayîşî û destanê qehremankîyî nuştî. Warê Serhedî  ke tede derbeyê girdî dîyayî dişmenî ro hemerayê ma Azad û Berxwedan bi hewayêkê qehremankî serkêşîya şerî kerd û tewrê kerwanê şehîdan bîyî. Ma wird hemrayanê xo bi hurmet û minetî ya kenê û soz danê ma do waştişanê înan bîyarê ca.

Nasnameyê hemrayanê ma yê şehîdan wina yê:

Nameyê Qodî: Azad Serhat

Name û Peyname: Azer Kaya

Cayê Bîyayîşî: Wan

Maye-Pî: Filize  – Cercis

Tarîx û Cayê Şehadetî: 8ê Temmuza 2017î / Serhed

 

Nameyê Qodî: Berxwedan Dijwar

Name û Peyname: Vedat Er

Cayê Bîyayîşî: Îdir

Maye-Pî: Halime – İsmail

Tarîx û Cayê Şehadetî: 8ê  Êlula 2017î / Serhed

 

Hemrayê ma Azad kelaya xoverdayîşî ya Serhedî Wan de yeno dinya û zext û îşkenceyo ke dişmenî şarê ma rê keno nêzdî ra şahîdîya ci keno. Seba ke merdimê ci tewrê refanê partîye de est ê têkoşînê azadîye tesîrê ey zî keno. Hemrayê ma Azad 2014 de seba ke qesasê şarê xo bîgêro û herra xo bixelisno tewrê refanê gerîlayan beno. Bado ke perwerdeyê gerîlatîye yo verênî geno ravêreno warê Tendurekî. 2015 de dişmen gama ke hêrişan newe ra dano destpêkerdene o zî mîyanê şerî giranî de cayê xo geno. Hemrayê Azad 2017 de vera operasyonê dişmenî tekoşîno xurt dano û bi şerkerdişê qehremankîyî şehîd beno.

Hemrayê ma Berxwedan Îdir de yeno dinya û keyeyêkê welatperwerî de beno pîl. Gama ke Kutuhya de unîversîte waneno felsefeya Rayber Apoyî û partîya ma dahîna nêzdî ra nas keno. Wextêk tîya xebatan rayra beno û dima ra 2014 de tewrê refanê Gerîlayanê Azadîye yê Kurdîstanî beno. Bado ke xo her hetî ra perwerde keno û pratîk rayra beno sey fermandarêkê serkewteyî şertanê zehmetan de hemrayanê xo rê serkêşîye keno. Xeylêk çalakîyanê bitesîran de hem sey şerwan hem zî sey fermandarî ca geno û derbeyanê girdan dano dişmenî ro û sey bêmergî tarîxê têkoşînî yê şarê ma de cayê xo geno.

Ma sere de wird keyeyanê erjîyayeyan ê hemrayanê xo Azad û Berxwedanî, şarê welatperwerî yê Kurdîstanî rê serweşîye wazenê û soz danê ke ma do têkoşînê hemrayanê xo şehîdan biresnê serkewtişî.''