Merkezê Îrtîbatî û Çapemenîye yê HPGyî nasnameyê di gerîlayanê ke şehîd bîyî eşkera kerdî û nê vatî:

''Hemrayê ma Qehreman û Raqîp ê ke Metîna de vera hêrişê dewleta tirke ya îşxalkere bi berpirsîyarîya tarîxîye têkoşîn kerd û derbeyê girdî dayî dişenî ro 28ê gulan a 2022yî de şehîd bîyî. Ma soz danê ke ma do xeyalanê hemrayanê xo yê qehremanan bîyarê ca.

Hemrayê ma yê ke şehîd bîyî nasnameyê înan wina yê:

Nameyê Qodî: Qehreman Gewda Name û Peyname: Ozgur Aşkan Cayê Bîyayîşî: Colemêrg Maye-Pî: Zarife – Halit Tarîx û Cayê Şehadetî: 28ê Gulana  2022yî / Metîna

 

Nameyê Qodî: Raqîp Tatwan Name û Peyname: Bekîr Yilmaz Cayê Bîyayîşî: Bedlîs Maye-Pî: Muazzeze – Asim Tarîx û Cayê Şehadetî: 28ê Gulana  2022yî / Metîna

 

Hemrayê ma Qehreman êşîrê Gewda yo ke eşîrêko welatperwer o û xeylêk ewladê xo tewrê Têgêrayîşê Azadîye yê Kurdîstanî kerdî, de dadîya xo ra beno. Seba ke serranê 90yan de dişmenî kerd ke înan qoricî bikero keyeyê ci bar keno şino metropolan. Coka wextêk Kurdîstanî ra dûrî maneno la dima ra reyna agêreno Kurdîstanî. Keyeyê ci Silopîya de xo ca keno. Hemrayê ma Qehreman xeyalê xo yê qictîye ano ca û 2013 de verê xo dano koyanê Kurdîstanî. 3 serrî warê Garê de maneno. Tîya pîya bi perwerdeyê bingeyî perwerdeyê pîsporîye zî geno û beno gerîlayêko serkewte.

2016 de verê xo danê warê Zapî û badê pratîkê serekwteyî yê serrêke ravêreno warê Metîna û tîya xeylêk çalakîyanê serkewteyan de ca geno. Çalakîye de beno birîndar la lezabez bi îradeyê xurtî derbê xo pêşeno û reyna têkoşînî rê dewam keno. 2021 de sey fermandarê yewîye Metîna de wezîfe geno û tîya xeylêk çalakîyan de rolanê girdan geno xo ser. Reyna vera hêrişanê dişmenî yê emserî zî têkoşîn keno. Hemrayê Qehremanî sey fermandarêkê ciwanî wezîfeyê xo yê şorişî bi serekwtişî ardê ca.

Hermayê ma Raqîp Bedlîs de dadîya xo ra beno û rîyê polîtîkaya hêrişkare ya dewleta tirke ra hema qictîya xo de mecbur maneno pîya bi keyeyê xo  bar bikero şiro Îzmîr. Hemrayê ma Raqîp semedê xelisnayîşê şar û erdê xo 2007 de tewrê refanê gerîlayan beno. Xakurkê de perwedeyê şerwananê neweyan vîneno û ravêreno warê pratîkî. Demê kilmî de xo aver beno û lezabez cuya gerîlatîye museno. Bado ke xo hetê leşkerî ra resneno sey fermendarêkî ravêreno Zagrosan. Tîya şertanê zehmetan de gerîlatîye keno û  xeylêk çalakîyanê serewteyan rê serkêşîye keno.

Bado ke xeylêk tecrube keno pêser 2015 de verê xo dano Vakurê Kurdîstanî û warê Garzanî de morê xo danê binê xebatanê serkewteyan ro. Dima ra xeylêk cayanê cîyayan de maneno. 2021 de gama ke dewleta tirke vera Metîna hêrişê îşxalî dana destpêkerdene o zî verê xo dano warê şerî û hela verêne ra heta şehadetê xo mewzîyanê tewr verînan ê şerî de cayê xo geno.

Ma sere de keyeyanê erjîyayeyan ê hemrayanê xo Qehreman û Raqîp heme şarê welatperwerî yê Kurdîstanî rê serweşîye wazenê û soz danê ke ma do xeyalanê hemrayanê xo yê qehremanan bîyarê ca.''