Merkezê Îrtîbatî û Çapemenîye yê HGP  da zanayene ke Amed de pêkewtiş de di gerîlayî şehîd bîyî û nê pare kerdî:

''Artêşa tirke ya îşxalkere 16ê hezîrane de qezaya Licê ya Amedî de operasyon da destpêkerdene. Operasyono ke waranê Şehîd Kawa û Apê Mûsayî de bi hewayêkê hemwextî dest pêkerd de pêkewtişî qewimîyayî. Warê Apê Mûsayî de mabênê di hemrayanê ma û îşxalkeran de pêkewtişê giranî qewimîyayî. Tîya tewr tay di îşxalkerî ameyî cezakerdene û îşxalkerêk birîndar bi. Hemrayê ma yê ke heta guleyê xo yê peyênî xover da seba ke destê dişmenî mekewê bombayê xo serê xo de teqnayî û  bi hewayêkê qehremankî tewrê kerwanê şehîdan bîyî. Nasnameyê embazê ma Dilşadî bi safî la nasnameyê embezê ma yê bînî hema safî nêbîyo. Ma do peyra nasnameyê embazê xo yê bînî zî pare bikerê.

Nasnameyê hemrayê ma Dilşadî wina yo:

Nameyê Qodî: Dilşad Dijwar Name û Peyname: Mehmet Suleymanoglu Cayê Bîyayîşî: Amed Maye-Pî: Hanim - Ahmet Tarîx û Cayê Şehadetî: 17 Hezîrana 2022yî / Amed

Hemrayê ma Dilşad Hezroyê Amedî de keyeyê welatperwerî de yeno dinya û bi kulturê xoverdayîşî yê  Amedî beno pîl. Hemrayê ma Dilşad gama ke Unîversîteya Dîcle de Fakulteyê Tibî wenano xebatanê ciwanîye rayra beno. Sey wendekarê serkewteyî hetê embazan û mamosteyanê xo ra yeno heskerdene. Hemrayê Dilşad vera hêrişê qirkerdişî yê dewleta tirke 2013 de unîversîte caverdeno û tewrê refanê gerîlayan beno. Nizdê hîrê serran warê Amedî de falîyet rayra beno û  2016 de verê xo dano Herêmanê Pawitişî yê Medya. Tîya di serrî Fermandarîya Îdare Sevk Vakurî de xebat rayra beno. Dima Heftanîn û Metîna de xebatanê serkewteyan keno. Seba ke di serrî tib wendo sey doktorê pîsporî embazanê xo zî tedawî keno û hem zî derheqê tibî de zanayîş dano înan.

Hemrayê ma Dilşad bado ke Herêmanê Pawitişî yê Medya de xo her hetî ra aver beno,  sey fermandarê serkêşî 2019 de reyna verê  xo açarneno Amedî. Warê Amedî de wezîfeyanê xo bi serekwtişî ano ca. Tewr peynî de qezaya Licê ya Amedî de operasyonê dişmenî açarneno çalakîye, sey fedayîyî şino dişmenî ser û derba girane dano piro.  Dima ke birîndar beno seba ke destê dişmenê mekewo bombaya xo serê xo de teqneno û tewrê kerwanê şehîdan beno.

Ma keyeyê erjîyayeyî yê fermandarê xo yê ercîyayeyî Dilşadî rê û heme şarê welatperwerî yê Kurdîstanî rê serweşîye wazenê. Ma reyna soz danê ke ma do qesasê şarê xo bîgêrê û têkoşînê şehîdanê xo bi serewktişî tacîdar bikerê.''