Merkezê Îrtîbatî û Çapemenîye yê HPGyî bi eşkerayîyêke nasnameyê di şehîdanê 2021î eşkera kerdî. 

Eşkerayîye wina ya:

''3yê hezîrana 2021î de warê Cîloya Biçûke ya Zapî de hêrişê dişmenî de embazê ma yê ercîyayeyî Andok û Destan şehîd bîyî. 

Embazanê ma Andokî û Destanî  hêrişanê serê herêma Zapî yê Herêmanê Pawitişî yê Medya de derbê giranî dayî artêşa îşxalkere ro û înan sey serkêşanê Hemleya Bazanê Zagrosî tarîx de cayê xo girewt. Ewladê Başûrî yê fedayîyî embaz Andok û ewladê Nisêbînî yê qehremanî embaz Destanî tewirêko nîmune mojna. Ewladê şarê ma yê fedayîyî embazê ma Andok û Destan sey qehremananê şarî û serkêşanê ciwanan tim do bêrê vîrardene.

Ma sere de keyeyanê înan ê ercîyayeyan rê, pêro şarê Kurdîstanî yê welatperwerî rê serweşîye wazenê. Ma soz danê ke şehîdanê xo mîyanê têkoşînê xo de tim bidê ciwîyayene.

Nasnameyê embazanê ma yê şehîdan wina yê:

Embaz Andox Helebçe de dadîya xo ra beno. O hêverî xebatanê ciwanan de cagêno. Embazê ma Andok xebatanê ciwanan ra dima 2017 de verê xo dano koyan û beno gerîla. O 2018 de Zap de gerîlatîye pratîze keno û bi taybetî kedêka pîle dano viraştişê tunelan. Embazê ma Andok Zap de vera dişmenî tewrê çalakîyanê serkewteyan beno û beno namzedê fermandarê ciwanî. Embazê ma Andok hêrişanê vera Zapî de 2021 de Cîloya Biçûke de bi fedayîtî şer keno. O tim embazanê xo rê bi çimeyê moral û coşî. 

Embazê ma Destan Nisêbîn de dadîya xo ra beno. Embazê ma Destan destpêk de tewrê xebatanê ciwanan beno. Şehadetê Fermandar Akîf Bagokî û hêrişanê DAÎŞî yê 2015î ra dima embaz Destan tewrê xoverdayîşê xoîdarekerdişî beno. Dima zî o tewrê gerîlayan beno. Embaz Destan perwerdeyî ra dima derbazê Zapî beno. Embaz Destan Zap de serkêşîya çalakîyan keno û vera hêrişanê dişmenî bi fedakarî û fedayîtî şer keno. Embaz Destan pê şehadetê xo perwerîya bi Rayber Apoyî û şehîdan eşkera keno.''