Merkezê Îrtîbatî û Çapemenîye yê HPGyî nasnameyê di şehîdanê Mêrdînî eşkera kerdî. Eşkerayîye win ya:

''Ame qetîkerdene ke teşrîna peyêne ya 2019î de hêrişanê dişmenî de embazê ma Bager Andok û Azad Mûskan ê ke xebatanê Yewinanê Pawitişê Sivîlan (YPS) de cagirewtêne şehîd bîyê. Embazanê ma Bager û Azadî  pratîzekerdiş û rêxistinkerdişê Şerê Şarî yê Şorişgêrî de pê mesuldarî û erkanê xo zerrîya şarê ma de cayê xo girewt.

Ma serrgêra şehadetê înan de embazanê xo Azad û Bagerî bi rêz û minetî yad kenê. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.

Nameyê Qodî: Bager Andok Name û Peyname: Hayri Kaptan Cayê Bîyayîşî: Êlih Maye-Pî: Mehdiye– Abdulsitar Tarîx û Cayê Şehadetî: Teşrîna Peyêne ya 2019î / Mêrdîn

 

Nameyê Qodî: Azad Mûskan Name û Peyname: Musa Polat Cayê Bîyayîşî: Amed Maye-Pî: Salime – Şehmuz Tarîx û Cayê Şehadetî: Teşrîna Peyêne ya 2019î / Mêrdîn

Embazê ma Bager Êlih de dadîya xo ra beno. O hêverî xebatanê ciwanan de cagêno û dima 2011 de tewrê gerîlayan beno. Embazê ma Bager çar serran Amed de gerîlatîye keno û fermandarê ercîyayeyî embaz Çîyagerî hetî de tewrê çalakîyan beno. Embaz Bager 2017 de derbazê Herêmanê Pawitişî yê Medya beno. Embaz Bager perwerde û amadekarîyan ra dima narey derbazê Mêrdînî beno û tîya de cepheyê tewr vernî de cagêno. Embazê ma Bager derbanê giranan dano dişmenî ro û nêverdeno ke dişmen nefes bigêro.

Embazê ma Azad qezaya Çêrmûge ya Amedî de dewa Mûskanî de dadîya xo ra beno.  Embaz Azad hêverî xebatanê ciwanan de cagêno û dima bi qerardarî  tewrê Xoverdayîşê Kobanê beno. Binkewtişê DAÎŞî ra dima o verê xo dano koyan û beno gerîla. Embazê ma Azad waştişê xo ser o derbabê Mêrdînî beno û bi ruhê fedayîtî şer keno. Embazê ma Azad her warê erkî de ala têkoşînî berz keno. O xeta fedayîyanê bêmergan de bêteredutî şino û bi milîtanî şer keno. Ma zî xeta ey do xo rê bikerê esas.''