HPGyî nasnameyê di şehîdan eşkera kerdî
HPGyî nasnameyê di şehîdanê Xakurkê eşkera kerdî û vat: ''Ma şexsê wird embazanê xo yê şehîdan de soz danê pêro şehîdan ke do layîqê nînan bibê.''
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:
''27ê nîsana 2024î de herêma Xakurkê de hêrişê dişmenî de embazê ma Piling û Rûbar şehîd bîyî.
Embazanê ma Pilingî û Rûbarî refanê Têkoşînê Azadîye yê Kurdîstanî de, helêke zî bîlasebeb derbaz nêkerde, seba Rayberîya Azade û Kurdîstanê Azadî têkoşîn kerd. Ma sere de keyeyanê înan ê ercîyayeyan rê, pêro şarê Kurdîstanî yê welatperwerî rê serweşîye wazenê. Ma şexsê wird embazanê xo yê şehîdan de soz danê pêro şehîdan ke do layîqê nînan bibê.
Nasnameyê wird embazanê ma wina yo:
|
|
Nameyê Qodî: Piling Germiyan Name û Peyname: Karwan Nazim Heme Xerîb Cayê Bîyayîşî: Germiyan Maye-Pî: Sevbo – Nazim Tarîx û Cayê Şehadetî: 27ê Nîsana 2024î / Xakurkê |
|
|
Nameyê Qodî: Rûbar Agirî Name û Peyname: Hesen Hesen Cayê Bîyayîşî: Dirbesiyê Maye-Pî: Xedîce – Şêxmûs Tarîx û Cayê Şehadetî: 27ê Nîsana 2024î / Xakurkê |
Embaz Piling Kelar de keyeyêkê welatperwerî de dadîya xo ra beno. O hêverî xebatanê ciwanan beno. Hêrişanê DAÎŞî ra dima 2015 de o bi qerardarî Qendîlî ra tewrê gerîlayan beno. Embaz Piling Xakurkê de perwerde vîneno. Embaz Piling tim xo rê felsefeya Rayberîye keno esas, tim gêreno ke derban bido dişmenî ro û bibo layîqê embazanê xo yê şehîdan. Embaz Piling heta şehadetê xo Xakurkê de têkoşîn keno, beno dostê koyanê tîya.
Embaz Rûbar Dirbêsîyê de keyeyêkê welatperwerî de dadîya xo ra beno. O mîyanê Şorişê Rojawanî de cagêno. Embaz Rûbar 2014 de zî Avaşînî ra tewrê gerîlayan beno. O Qendîl de perwerde vîneno. Embazê ma Rûbar tim xeta fedayîtîye de têkoşîn keno û nê esasî ser o seba ke mîrasê şehîdan pîl bikero cehd keno. Embaz Rûbar bi kesayet û milîtanîya xo pêro embazanê xo rê beno nimûne.
