HPGyî nasnameyê di şehîdan eşkera kerdî
HPGyî nasnameyê di şehîdanê Metîna eşkera kerdî û vat: ''Embazanê ma cepheyê xoverdayîşî de bi kesayetê xo tarîxê ma yê têkoşînî de rêçê girîngî verdayî.''
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî nasnameyê di şehîdan eşkera kerdî.
Eşkerayîye wina ya:
''Embazê ma Gelhat Koçer û Dogan Amûdê Metîna de hêrişanê dişmenî de tarîxanê cîyayan de şehîd bîyî.
Embazanê ma Gelhat û Doganî cepheyê xoverdayîşî de bi kesayetê xo tarîxê ma yê têkoşînî de rêçê girîngî verdayî. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke ma do hesreta şehîdanê xo Kurdîstanê Azadî de bîyarê ca.
Nasnameyê embazanê ma wina yê:
|
|
Nameyê Qodî: Gelhat Koçer Name û Peyname: Abdullah Arslan Cayê Bîyayîşî: Şirnex Maye-Pî: Xezale – Ahmet Tarîx û Cayê Şehadetî: 9ê Hezîrana 2024î / Metîna |
|
|
Nameyê Qodî: Dogan Amûdê Name û Peyname: Ahmed Omer Şerîf Cayê Bîyayîşî: Dêra Zorê Maye-Pî: Şukriye – Omer Tarîx û Cayê Şehadetî: 17ê Hezîrana 2024î / Metîna |
Embazê ma Gelhat Hezex de dadîya xo ra beno. Embazê ma Gelhat hema domanîya xo de rîyê dişmenî yê raştikênî vîneno û 2015 de bi qerardarî verê xo dano koyan.
Embaz Gelhat Vakur de perwerde vîneno û dima verê xo dano Herêmanê Pawitişî yê Medya û tim xo aver beno û milîtanîyêka xurte mojneno ra. Embazê ma Gelhat pêro waran de erk û mesuldarîyê xo bêkêmasî ano ca. Ma zî soz danê ke heta ke hesreta ey Kurdîstanê Azadî awan bikerê bêmabên têkoşîn bikerê.
Embazê ma Dogan Dêra Zorê de dadîya xo ra beno. O 2011 de tewrê serewedaritişê Rojawanî beno. O 2013-2014 de vera cergan şer keno û dima zî tewrê gerîlayan beno. Embaz Dogan Metîna de perwerde vîneno, 2021 de Xoverdayîşê Zendûrê de têkoşîn keno û bêmanên şer keno. Embazê ma Dogan tim tewr vernî de cewab dano hêrişanê dişmenî û embazanê xo rê zî beno çimeyê moral û hêzî. Embazê ma Dogan hêrişê dişmenî de tewrê karwanê şehîdan beno. Ma soz danê ke do bibê layîqê keda şehîdê xo.''
