HPGyî pare kerd ke Endamê Konseya Fermandarîya HPGyî û Fermandarîya Îdareyê Sewqî ya Herêmanê Pawitişî yê Medya Alan Milazgîr û Doktore Sara Tolhildan şehîd bîyê û vat: ''Têkoşînê embazanê ma yo esîl do tim ma rê bibo rêber.''
Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:
''Embazê ma Endamê Konseya Fermandarîya HPGyî û Fermandarîya Îdareyê Sewqî ya Herêmanê Pawitişî yê Medya Alan Milazgîr û embaza ma Doktore Sara Tolhildan 21ê hezîrana 2024î de Warê Xoverdayîşî yê Sîda yê Zapî de çalakîya fedayî ya vera artêşa tirke ya îşxalkere de şehîd bîyî.
Embazanê ma Fermandar Alanî û Doktore Sara seba ke embazanê xo yê bînan bipawê vera artêşa îşxalkere çalakîya fedayîye kerde, bi ruhêkê fedayî hêrişê baregehê artêşa îşxalkere kerd, leşkerêko payeberz ceza kerd û darbêka girane daye artêşa îşxalkere ro.
Ma soz danê ke şehadetê wird embazanê xo bikerê sebebê servistişê têkoşînê xo. Tewirê Alan û Sarayan qetî do ser bikewê. Nê esasî ser o ma sere de keyeyanê wird embazanê xo yê ercîyayeyan rê pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
|
|
Nameyê Qodî: Alan Milazgîr Name û Peyname: Ender Budancer Cayê Bîyayîşî: Mûş Maye-Pî: Xezale – Nusret Tarîx û Cayê Şehadetî: 21ê Hezîrana 2024î / Zap |
|
|
Nameyê Qodî: Sara Tolhildan Name û Peyname: Leyla Aykut Cayê Bîyayîşî: Adana Maye-Pî: Gewrê – Ezîz Tarîx û Cayê Şehadetî: 21ê Hezîrana 2024î / Zap |
Embazê ma Alan qezaya Milazgîrî ya Mûşî de dadîya xo ra beno. O hertim pê hesîyeno ke vera dişmenî senî têkoşîn bêro kerdene coka serrgêra desine ya Hemleya 15ê Tebaxe de 1994 de tewrê gerîlayan beno. O sere de Gaber û Mawa xeylêk herêmanê Botanî de şer keno û 2000 de derbazê Herêmanê Pawitişî yê Medya beno. Hemleya 1ê Hezîrane ra dima o derbazê Dêrsimî beno û 7 serran Dêrsim de şer keno. 2012 de o sey fermandarêkî agêreno Herêmanê Pawitişî yê Medya. 2014 de o Şingal de şer keno û azadkerdişê Şingalî ra dima agêreno koyan. Embazê ma Alan Hemleya Şorişgêre ya Bazanê Zagrosî de seke mîmarîye keno û wextê Fermandarê Eyaletê Zapî beno. 2022 de zî o tayînê Fermandarîya Îdareyê Sewqî beno.Embazê ma Alan mîyanê gerîlayan de tim sey fermandarêkê fedakarî têgêreno, pêro erk û mesuldarîyanê xo ano ca û embazanê xo rê beno nimune. O heta nefesê xo yê peyênî şer keno û beno şehîd.
Embaza ma Sara Adana de keyeyêkê eşîra Mamxurî de dadîya xo ra bena. A wextê zanîngehî de tewra şorişgêran bena û serra çarine ya zanîngehî de 2014 de verê xo dana koyan. Embaze Sara bi xebatkarîya xo xeylêk waran de erk kena û pratîkanê xo aver bena. A warê weşîye de perwerde gêna û Avaşîn de sey doktore embazanê xo tedawî kena. Embaza ma Sara tunelanê Şehîd Doganî de kedêka pîle dana û tunelanê Sîda de bi fedayîtî xo ver dana. A bena fermandaranê ma yê sembolan ra yewe. Embaze Sara bi pratîkê xo xoverdayîşî rê serkêşîye kena. Sey embazanê ci ma soz danê ke vîrameyîşê pêro şehîdanê xo Kurdîstanê Azadî de bipawê.''
