Merkezê Îrtîbatî û Çepemenîye yê HPGyî nasnameyê di gerîlayanê ke Qelqelîya Wanî de şehîd bîyî eşkera kerdî û nê pare kerdî:

 ''31ê tebaxe de embazê Şoreş û Deyndar gama ke dewa Çamilî ya qezaya Qelqelî ya Wanî de wezîfeyê xo ser bê, mabênê înan û artêşa tirke de temas qewimîya. Dişmenî saetanê serê sibayî de dormeyê hemrayanê ma girewt, înan cewabê da û pêkewtişo giran qewimîya. Bi seyan îşxalkerî neêşkayî şirê embazanê ma ser, pê teyarayanê şerî û helîkopteranê hêrişî bi saetan cayê înan da bombayan ver. Netîceya nê hêrişî de hemrayê ma Şoreş û Deyndar şehîd bîyî.

Ma keyeyanê erjîyayeyan ê hermayanê Şoreş û Deyndarî rê şarê xo yê welatperwerî rê serweşîye wazenê.

Nasnameyê hemrayanê ma yê şehîdan wina yê:

Nameyê Qodî: Şoreş Berxwedan

Name û Peyname: Nebî Ahmed

Cayê Bîyayîşî: Efrîn

Maye-Pî: Sultan – Muhammed

Tarîx û Cayê Şehadetî: 31ê Tebaxa 2023yî / Wan

 

Nameyê Qodî: Deyndar Xalit

Name û Peyname: İsmail Şucai

Cayê Bîyayîşî: Kotol

Maye-Pî: Bacî – Nadir

Tarîx û Cayê Şehadetî: 31ê Tebaxa 2023yî / Wan

“Hemrayê ma Şoreş qezaya Cindirêrê ya Rojawanî de keyeyêkê welatperwerî de yeno dinya. Hema domanîya xo ra partîya ma û gerîlayan şinasneno. 2004î ra nata sere de xebatê ciwanan xeylêk xebatan de ca geno. 2008 de xeyalanê domanîya xo ano ca û tewrê refanê gerîlayan beno. Perwerdeyê verênî Garê de vîneno û dima ra verê xo dano Zapî. Warê Şikefta Birîndara ya Zapî tewrê xebatan beno. Hemrayê ma Şoreş tim wazeno şiro Vakur û tewr peynî de waştişê ci qebul beno verê xo dano herêma Serhedî. Tîya xeylêk wext têkoşîn keno.

Hemrayê ma Deyndar bajarê Kotolî yê Rojhelatê Kurdîstanî de yeno dinya û bi kultuê welatperwerîye beno pîl. 2008î ra heta 2014î xebatanê sey rêxistinkerdişê şarî û xabatanê cîya cîyayan de gureyeno. Hemrayê ma Deyndar 2014 de warê Xakurkê de tewê refanê gerîlayan beno û pewerdeyî verênî tîya vîneno. Wextê hêrişê DAÎŞî de şino Şingal û vera çeteyan şarê xo paweno. Pîya bi hemrayanê xo hîrê serrî semedê xelisnayîşê Şingalî têkoşîn keno. Rixmo ke tîya di reyî bi hewayêkê giranî birîdar beno, çirey têkoşînî ra peyser game nêanceno. Hemrayê ma Deyndar badê xelisnayîşê Şingalî agêreno koyan û verê xo dano Vakurê Kurdîstanî.

Hermayê ma Deyndar û Şoreş 31ê tebaxa 2023yî de qezaya Qelqelî ya Wanî de vera îşxalkeran heta nefesê xo yê peyênî şer kerd û tewrê kerwanê şehîdan bîyî. Wird hemrayê ma bi qerardarîya xo ya têkoşînî do tim ma rê serkêşîye bîkerê. Ma şexsê hemraynê xo Şoreş û Deyndarî de soz danê heme şehîdanê xo ke ma do têkoşînî xurtêr bikerê û waştişê înan bîyarê ca.''