Merkezê Îrtîbatî û Çapemenîye yê HPGyî nasnameyê hîrê şehîdanê Geverî eşkera kerdî.

Eşkerayîye wina ya:

''20ê hezîrana 2023yî de herêma Warê Teçoyî ya Geverî de komêka embazanê ma wexto ke serê erkê xo de bîyê mabênê înan û artêşa tirke de temasêk qewimîya. Artêşa îşxalkere vera na herême operasyon kerd  û embazanê ma bi giranî da dişmenî ro. Nê pêkewtişan de 1 îşxalker ame cezakerdene. Artêşa tirke ya îşxalkere tersaye ke vejîya verê embazanê ma coka xo apey ant û embazê ma dayî bombayan ver. Nê bombardumanan de embazê ma Avareş Pirsûs, Reman Sinê û Serxwebûn Amed şehîd bîyî. 

Nê embazanê ma bi cesaretê xo dişmen tersna û derbî dayî piro. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Avareş Pirsûs Name û Peyname: Ahmet Demîr Cayê Bîyayîşî: Dîlok Maye-Pî: Fatma – Alî Tarîx û Cayê Şehadetî: 20ê Hezîrana 2023yî /Gever

Nameyê Qodî: Serxwebûn Amed Name û Peyname: Şehmus Akyol Cayê Bîyayîşî: Amed Maye-Pî: Halîme – Cemîl Tarîx û Cayê Şehadetî: 20ê Hezîrana 2023yî /Gever

Nameyê Qodî: Raman Sine Name û Peyname: Muhammed Fuad Nusreyî Cayê Bîyayîşî: Sine Maye-Pî: Şehla – Xosro Tarîx û Cayê Şehadetî: 20ê Hezîrana 2023yî /Gever

 

Avareş Pirsûs 

 

 

Raman Sine

 

 

Serxwebûn Amed