Merkezê Îrtîbatî û Çapemenîye yê HPGyî nasnameyê hîrê şehîdanê Metîna eşkera kerdî. Eşkerayîye wina ya:

''Ma eşkerayîya xo ya 4ê temmuza 2024î de dabi eşnawitene ke 30ê hezîrana 2024î de hêrişê vera Warê Xoverdayîşî yê Serê Metîna de hîrê embazê ma şehîd bîyê. Nê hêrişî de embazê ma Newale Mêrdîn, Jîyane Redûr û Dijwar Keleş şehîd bîyî.

Embazê ma bi şehadetanê xo pêro şarê ma û embazanê xo rê bîyî sebebê têkoşînî. Sey embazanê înan ma soz danê ke têkoşînê şehîdanê xo ser bivisnê û dewleta tirke ya îşxalkere û xeta îxanetî rê cewabê tewr manadarî bidê. Ma sere de keyeyanê embazanê xo Newale, Jîyane û Dijwarî rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Newale Mêrdîn Name û Peyname: Nûdeme Kurt Cayê Bîyayîşî: Îzmîr Maye-Pî: Feyruze – Şakir Tarîx û Cayê Şehadetî: 30ê Hezîrana 2024î / Metîna

 

Nameyê Qodî: Dijwar Keleş Name û Peyname: Serdar Duşerge Cayê Bîyayîşî: Amed Maye-Pî: Bahrîye – Fahrî Tarîx û Cayê Şehadetî: 30ê Hezîrana 2024î / Metîna

 

Nameyê Qodî: Jiyane Rêdûr Name û Peyname: Darşîne Musa Cayê Bîyayîşî: Şam Maye-Pî: Fatma – Mihemed Elî Tarîx û Cayê Şehadetî: 30ê Hezîrana 2024î / Metîna

Embaze Newale keyeyêkê mêrdinijî de Îzmîr de dadîya xo ra bena. A hêverî xebatanê ciwanan de cagêna. Dima ke merdimê ci hetê dewleta tirke ra yeno înfazkerdene a bi hêrsî 2014 de tewra gerîlayan bena. A Vakur de perwerdeyanê verênan gêna, tîya ra derbazê Herêmanê Pawitişî yê Medya bena. Embaze Newale wextêkê kilmî de bena gerîlayêka YJA-Starî ya marîfetîne. Embaza ma Newale Metîna de xoverdayîş û têkoşînêkê xurtî kena û çalakîyanê xurtan kena.

 

Embazê ma Dijwar Amed de dadîya xo ra beno. O 2013 de tewrê xebatanê ciwanan beno û 2015 de zî verê xo dano koyan. O perwerdeyan ra dima vera DAÎŞî şer keno û rixmo ke hîrê reyî birîndar beno têkoşînê ra fek vera nêdano. Embaz Dijwar dima derbazê Herêmanê PAwitişî yê Medya beno. O Herêma Şehîd Delîlî ya Rojawanê Zapî û dima zî Metîna de erk keno. Embazê ma Dijwar tim bi mesuldarî têgêreno û bi aktîfî çalakîyanê vera dişmenî de cagêno.

Embaza ma Jîyane keyeyêkê kobanêyîjî de Şam de dadîya xo ra bena. A hêverî tewra xebatanê Şorişê Rojawanî bena û şehadetê kekê xo ra dima zî 2016 de tewra gerîlayan bena. A perwerdeyan ra dima derbazê Herêmanê Pawitişî yê Medya bena. Embaze Jîyane tim xo aver bena û Metîna de dest pê erkanê xo kena. Embaze Jîyane tîya de derbanê giranan dana dişmenî ro, seba qesasê şehîdan têgêrena û cewab dana hêrişanê îşxalî yê dişmenî. A tim bi qehremanî şina serê dişmenî.''